കോഴിക്കോട് : കോഴിക്കോട് കൊയിലാണ്ടിയില് പ്രവാസിയെ തട്ടിക്കൊണ്ടു പോയതായി പരാതി. ഉരുളൂര് സ്വദേശി അഷ്റഫിനെയാണ് പുലര്ച്ചെ തട്ടിക്കൊണ്ടു പോയത്. ഇന്നോവയിലെത്തിയ സംഘമാണ് അഷ്റഫിനെ തട്ടിക്കൊണ്ടു പോയതെന്ന് ബന്ധുക്കള് പറയുന്നു.
തോക്കുചൂണ്ടിയാണ് ഇയാളെ തട്ടിക്കൊണ്ടുപോയത്. സംഭവത്തിന് പിന്നില് സ്വര്ണക്കടത്ത് സംഘമാണെന്നാണ് സൂചന. ഒരുമാസം മുമ്പാണ് ഇയാള് വിദേശത്തുനിന്നും നാട്ടിലെത്തിയത്.
തടയാന് ശ്രമിച്ചപ്പോള് കൊല്ലുമെന്ന് ഭീഷണിപ്പെടുത്തിയെന്നും, വാഹനത്തില് അഞ്ചുപേരാണ് ഉണ്ടായിരുന്നതെന്നും ബന്ധുക്കള് പൊലീസ് പറഞ്ഞു. പൊലീസ് അന്വേഷണം ആരംഭിച്ചു. അക്രമി സംഘം എത്തിയ വാഹനത്തിന്റെ നമ്പര് പ്ലേറ്റ് വ്യാജമാണെന്ന് പൊലീസ് സൂചിപ്പിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ