കുറ്റ്യാടി: കോഴിക്കോട് കുറ്റ്യാടി തീക്കുനിയിൽ വാഹനാപകടത്തിൽ മൂന്ന് യുവാക്കൾ മരിച്ചു. ബൈക്കുകൾ കൂട്ടിയിടിച്ചുണ്ടായ അപകടത്തിൽ റഹീസ്, അബ്ദുൽ ജാബിർ, ജെറിൻ എന്നിവരാണ് മരിച്ചത്.
വേളം കാക്കുനി കാരക്കുന്നിൽ വെച്ചാണ് അപകടമുണ്ടായത്. ചൊവ്വാഴ്ച രാത്രി പത്തരക്കാണ് അപകടം. റഹീസും ജാബിറും കക്കട്ട് പതിരാപറ്റ സ്വദേശികളാണ്. ജെറിൻ കവിലും പാറ സ്വദേശിയാണ്. നേർക്കുനേരെ ബൈക്കുകൾ ഇടിക്കുകയായിരുന്നു. പരുക്കേറ്റ ഇവരെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഒരാൾ വടകര സ്വകാര്യ ആശുപത്രിയിൽ എത്തുേമ്പാഴേക്കും മരിച്ചിരുന്നു. കോഴിക്കോട്ടേക്കുള്ള വഴിമധ്യേ ഒരാൾ കൊയിലാണ്ടിയിൽ എത്തുമ്പാഴേക്കും മറ്റെയാൾ കോഴിക്കോട് സ്വകാര്യ ആശുപത്രിയിലും മരണപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ