തിരുവനന്തപുരം: കുണ്ടറ സ്വദേശിനിക്ക് നേരെയുള്ള പീഡന കേസില് പ്രതിയായ എന്സിപി നിര്വാഹക സമിതി അംഗം ജി പത്മാകരന് സസ്പെന്ഷന്. വിഷയത്തിലല് പാര്ട്ടി അന്വേഷണ കമ്മീഷന് നല്കിയ റിപ്പോര്ട്ടിന്റെ അടിസ്ഥാനത്തിലാണ് നടപടി. പെണ്കുട്ടിയെ സാമൂഹ്യ മാധ്യമങ്ങളിലൂടെ അപമാനിക്കാന് ശ്രമിച്ചെന്ന് ആരോപണമുയര്ന്ന എന്സിപി പ്രാദേശിക നേതാവ് രാജീവിനെയും സസ്പെന്റ് ചെയ്തിട്ടുണ്ട്.
പത്മാകരന് എതിരെ പെണ്കുട്ടി ഇന്ന് പൊലീസിന് മൊഴി നല്കിയിരുന്നു. പരാതിയില് ഉറച്ചുനില്ക്കുന്നതായും പെണ്കുട്ടി വ്യക്തമാക്കി. പത്മാകരന് വേണ്ടി മന്ത്രി എ കെ ശശീന്ദ്രന് തന്നെ സ്വാധീനിക്കാന് ശ്രമിച്ചെന്നും പെണ്കുട്ടി പൊലീസിന് മൊഴി നല്കി.
പഞ്ചായത്ത് തെരഞ്ഞെടുപ്പില് ബിജെപി സ്ഥാനാര്ത്ഥിയായിരുന്ന യുവതിയെ, പ്രചാരണ സമയത്ത് ഹോട്ടലിലേക്ക് വിളിച്ചു വരുത്തി പത്മാകരന് കൈയില് കടന്നു പിടിച്ചെന്നാണ് പരാതി. യുവതിയുടെ പേരില് ഫെയ്ക്ക് ഐഡിയുണ്ടാക്കി സാമൂഹിക മാധ്യമങ്ങളില് മോശം പ്രചാരണം നടത്തിയെന്നും പരാതിയുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ