തൃശൂര്: കരുവന്നൂര് ബാങ്ക് തട്ടിപ്പുമായി ബന്ധപ്പെട്ട് നാല് സിപിഎം നേതാക്കളെ പാര്ട്ടിയില് നിന്ന് പുറത്താക്കി. ബാങ്ക് ഭരണസമിതി പ്രസിഡന്റായ കെകെ ദിവാകരന്ബാങ്കിന്റെ സെക്രട്ടറിയും സിപിഎം കരുവന്നൂര് ലോക്കല് കമ്മിറ്റി അംഗവുമായിരുന്ന ടി.ആര്. സുനില് കുമാര്, മുന് മാനേജരും പൊറത്തിശേരി ലോക്കല് കമ്മിറ്റി അംഗവുമായ ബിജു കരീം, സീനിയര് അക്കൗണ്ടന്റും തൊടുപറമ്പ് ബ്രാഞ്ച് അംഗവുമായ സികെ.ജില്സ് എന്നിവരെയാണ് പാര്ട്ടി പുറത്താക്കിയത്. ഇന്ന് ചേര്ന്ന ജില്ലാ കമ്മറ്റി യോഗത്തിലാണ് തീരുമാനമുണ്ടായത്.
മുന് ജില്ലാ സെക്രട്ടേറിയറ്റ് അംഗമായ സികെ ചന്ദ്രപ്പനെ ഒരു വര്ഷഷത്തേക്ക് സസ്പെന്റ് ചെയ്യാനും ജില്ലാ കമ്മറ്റി അംഗങ്ങളായ കെആര് വിജയ, ഉല്ലാസ് എന്നിവരെ ഏരിയ കമ്മറ്റിയിലേക്ക് തരംതാഴ്ത്താനും ഇന്ന് ചേര്ന്ന ജില്ലാ കമ്മറ്റിയോഗത്തില് തീരുമാനമായി. യോഗത്തില് മുതിര്ന്ന നേതാക്കളായ ബേബി ജോണിനും എസി മൊയ്തീനുമെതിരെ രൂക്ഷവിമര്ശനമാണ് ഉയര്ന്നത്.
കരുവന്നൂര് സര്വീസ് സഹകരണബാങ്കില് നടന്നത് ആയിരം കോടിയുടെ തിരിമറിയാണെന്നാണ് പുറത്തുവരുന്ന റിപ്പോര്ട്ടുകള്. ബാങ്കിന്റെ പേര് ഉപയോഗപ്പെടുത്തിയുള്ള റിസോര്ട്ട് നിര്മാണം, ഇതിലേക്ക് വിദേശത്തുനിന്നുള്പ്പെടെയെത്തിയ ഭീമമായ നിക്ഷേപം, ബെനാമി ഇടപാടുകള്, നിക്ഷേപങ്ങളുടെ പലിശ കൂട്ടിക്കൊടുത്തുള്ള തട്ടിപ്പ്, ഇല്ലാത്ത ഭൂമി ഈടുവെച്ചുള്ള കോടികളുടെ വായ്പ തുടങ്ങിയവയെല്ലാം തട്ടിപ്പിന്റെ ഭാഗമായിരുന്നു.
ചെറിയ തുകയുള്ള ഭൂമി ഈടുവെച്ച് ഭീമമായ വായ്പയെടുത്തശേഷം എത്രയും പെട്ടെന്ന് ജപ്തിനടപടി സ്വീകരിക്കുന്നതും വില കൂടിയ ഭൂമി ഈടുവെച്ച് ചെറിയ വായ്പയെടുക്കുന്നവരെ തിരിച്ചടവിന്റെ പേരില് സമ്മര്ദത്തിലാക്കി ജപ്തിനടപടിയിലേക്ക് എത്രയും വേഗം എത്തിച്ച് ആ ഭൂമി തട്ടിയെടുക്കുന്നതും അടക്കമുള്ള തട്ടിപ്പുകളും നടന്നിട്ടുണ്ട്. നേരിട്ടും അല്ലാതെയും അഞ്ചുവര്ഷത്തിനിടെ 1000 കോടിയുടെ തിരിമറി നടന്നിട്ടുണ്ടെന്നാണ് പൊലീസിന്റെ നിഗമനം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ