മലപ്പുറം; പിണങ്ങിപ്പോയ ഭാര്യയെ തിരിച്ചുകൊണ്ടുവരുന്നതിനായി മോഷ്ടിക്കാൻ ഇറങ്ങിയ യുവാവ് പിടിയിൽ. പോത്തുകല്ല് കവളപ്പാറ ഇളമുടിയിൽ പ്രവീൺ (25) ആണ് അറസ്റ്റിലായത്. സ്വർണമാല നൽകി ഭാര്യയെ അനുനയിപ്പിക്കുന്നതിനായാണ് ഇയാൾ മോഷണത്തിന് ഇറങ്ങിയത്.
ഇന്നലെ പുലർച്ചെ നിലമ്പൂർ സബ് ട്രഷറി കെട്ടിടത്തിന്റെ താഴത്തെ നിലയിലെ ജ്വല്ലറിയിലാണ് മോഷ്ടിക്കാൻ കയറുകയായിരുന്നു. ഷട്ടറിന്റെ പൂട്ട് പൊളിക്കുന്ന ശബ്ദം കേട്ട് ട്രഷറിയിൽ കാവൽ നിന്നിരുന്ന പൊലീസുകാർ സ്‌റ്റേഷനിൽ വിവരം അറിയിച്ചു. കൂടുതൽ പൊലീസെത്തി പ്രതിയെ പിടികൂടുകയായിരുന്നു.
ചുറ്റിക, ഇരുമ്പ് ദണ്ഡ്, ഉളി, മങ്കി തൊപ്പി, മാക്‌സി എന്നിവ അടങ്ങിയ സ്‌കൂൾ ബാഗ് പ്രതിയുടെ പക്കൽ നിന്ന് കണ്ടെടുത്തു. ഭാര്യ കുട്ടിയോടൊപ്പം ആലപ്പുഴയിലുള്ള വീട്ടിലാണ്. സ്വർണമാലയുമായി ഭാര്യയുടെ അടുത്തേക്ക് പോകാനാണ് ഉദ്ദേശിച്ചിരുന്നതെന്ന് പ്രതി മൊഴി നൽകി. കഴിഞ്ഞ 20നും മോഷണ ശ്രമത്തിന് ഇയാളെ പിടികൂടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
