അനർ​ഹമായി കൈയിൽ വച്ച റേഷൻ കാർഡുകൾ തിരികെ ഏൽപ്പിക്കണം; ജൂൺ 15 വരെ സമയം

By സമകാലിക മലയാളം ഡെസ്ക്  |   Published: 01st June 2021 07:47 PM  |  

Last Updated: 01st June 2021 07:47 PM  |   A+A-   |  

More than 50 lakh people in the state do not have ration kerosene this month

പ്രതീകാത്മക ചിത്രം

 

കൊച്ചി: എറണാകുളം സിറ്റി റേഷനിങ് ഓഫീസിന്റെ പരിധിയിൽ അനർഹമായി കൈവശം വെച്ചിരിക്കുന്ന ഏഏവൈ, മുൻഗണനാ വിഭാഗത്തിലെ
റേഷൻ കാർഡുകൾ തിരികെ ഏൽപ്പിക്കണം.

സംസ്ഥാന/ കേന്ദ്ര സർക്കാർ ജീവനക്കാർ, അധ്യാപകർ, പൊതുമേഖല, സഹകരണ സ്ഥാനങ്ങളിലെ സ്ഥിരം ജീവനക്കാർ, സർവീസ്‌ പെൻഷൻകാർ, ആദായ നികുതി നൽകുന്നവർ കാർഡിൽ ഉൾപ്പെട്ടിട്ടുണ്ടെങ്കിൽ, പ്രവാസികളടക്കം റേഷൻ കാർഡിൽ ഉൾപ്പെട്ടിട്ടുളള എല്ലാ അംഗങ്ങൾക്കും കൂടി പ്രതിമാസ വരുമാനം 25000 രൂപയോ അതിൽ അധികമോ ഉണ്ടെങ്കിൽ, ഒരു ഏക്കറിലധികം ഭൂമി സ്വന്തമായി ഉള്ളവർ, 1000 ചതുരശ്ര അടിക്കു മുകളിലുള്ള വീടോ, ഫ്‌ളാറ്റോ സ്വന്തമായി ഉള്ളവർ, എക ഉപജീവന മാർ​ഗമായ ടാക്‌സി ഒഴികെ സ്വന്തമായി നാല്‌ ചക്ര വാഹനമുള്ള റേഷൻ കാർഡുടമകൾ എന്നിവർ അനർഹമായി കൈവശം വച്ചിട്ടുള്ള റേഷൻ കാർഡുകൾ തിരികെ ഏൽപ്പിക്കണം. ഇവ ജൂൺ 15നകം സിറ്റി റേഷനിങ് ആഫീസർ മുമ്പാകെ ഹാജരാക്കി പൊതുവിഭാഗത്തിലേയ്ക്ക്‌ മാറ്റണം. 

ഇത്തരം കാർഡുകൾ അനർഹമായി ആരെങ്കിലും കൈവശം വെച്ചിരിക്കുന്നതായി ശ്രദ്ധയിൽപ്പെട്ടാൽ പൊതുജനങ്ങൾക്കും വിവരം നൽകാം. ആധാർ കാർഡ്‌ റേഷൻ കാർഡുമായി ബന്ധിപ്പിക്കാത്തവർ എത്രയും വേഗം  ബന്ധിപ്പിക്കണം എന്നും സിറ്റി റേഷനിങ് ഓഫീസർ അറിയിച്ചു. കൂടുതൽ വിവരങ്ങൾക്ക് : 0484 23908059