കൊച്ചി: സംസ്ഥാനത്ത് വാക്സിനേഷന് സ്ലോട്ട് ലഭിക്കാന് ബുദ്ധിമുട്ട് നേരിടുന്നതു ചൂണ്ടിക്കാട്ടി ഹൈക്കോടതി. വാക്സിന് വിതരണത്തിലെ ആശങ്കകള് പരിഹരിക്കണം എന്നാവശ്യപ്പെട്ടുള്ള വിവിധ ഹര്ജികള് പരിഗണിക്കുമ്പോഴായിരുന്നു കോടതിയുടെ പരാമര്ശം. കൂടുതല് ആളുകള് വാക്സിനേഷന് എടുക്കുന്ന ജില്ലകളിലാണ് സ്ലോട്ട് പ്രശ്നമുള്ളതെന്ന് സര്ക്കാര് മറുപടി നല്കി.
കേന്ദ്ര സര്ക്കാരിന്റെ പുതിയ വാക്സിനേഷന് നയം പ്രായോഗിക തലത്തില് എത്തുന്നതോടെ പ്രശ്നം പരിഹരിക്കാനാകുമെന്നു പ്രതീക്ഷിക്കുന്നതായും സര്ക്കാര് കോടതിയെ അറിയിച്ചു.
വാക്സിനേഷന് മുന്ഗണനാ പട്ടികയില് ശുചീകരണ തൊഴിലാളികളെ ഉള്പ്പെടുത്തുന്ന കാര്യം പരിഗണിക്കണമെന്ന് കോടതി സര്ക്കാരിനോട് ആവശ്യപ്പെട്ടു. ഹര്ജി നാളെ പരിഗണിക്കുന്നതിനു കോടതി മാറ്റി വച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ