കൊല്ലം: പത്തനാപുരത്ത് സ്ഫോടക വസ്തുക്കള് കണ്ടെത്തി. പത്തനാപുരം പാടത്ത് വനംവകുപ്പിന്റെ അധീനതയിലുള്ള കശുമാവിന്തോട്ടത്തില്നിന്നാണ് സ്ഫോടക വസ്തുക്കള് കണ്ടെത്തിയത്. ജെലാറ്റിന് സ്റ്റിക്ക്, ഡിറ്റണേറ്റര് ബാറ്ററി, വയറുകള് എന്നിവയാണ് കണ്ടെത്തിയത്.
ബീറ്റ് ഫോറസ്റ്റ് ഓഫീസറുടെ നേതൃത്വത്തില് നടത്തിയ പതിവ് പരിശോധനയിലാണ് സ്ഫോടക വസ്തുക്കള് കണ്ടെത്തിയത്. രണ്ട് ജെലാറ്റിന് സ്റ്റിക്കുകള്, ആറ് ബാറ്ററികള്, വയറുകള്, ഇവ തമ്മില് ബന്ധിപ്പിക്കാന് ഉപയോഗിക്കുന്ന പശ എന്നിവയാണ് കണ്ടെടുത്തത്. ഉടന് പൊലീസിനെ വിവരം അറിയിച്ചു. ഇവയ്ക്ക് അധികം കാലപ്പഴക്കമില്ലെന്നാണ് പ്രാഥമിക വിവരം. കൂടുതല് അന്വേഷണത്തിനായി ബോംബ് സ്ക്വാഡ് പ്രദേശത്ത് പരിശോധന നടത്തും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ