സെപ്റ്റംബറിന് ശേഷം ഏറ്റവും കുറവ് പ്രതിദിന രോ​ഗികൾ; ഇന്ന് 300ന് മുകളിൽ കോവിഡ് ബാധിതർ കോഴിക്കോട്ട് മാത്രം; ജില്ല തിരിച്ചുള്ള കണക്ക് 

സെപ്റ്റംബറിന് ശേഷം ഏറ്റവും കുറവ് പ്രതിദിന രോ​ഗികൾ; ഇന്ന് 300ന് മുകളിൽ കോവിഡ് ബാധിതർ കോഴിക്കോട്ട് മാത്രം; ജില്ല തിരിച്ചുള്ള കണക്ക് 
ഫയല്‍ ചിത്രം
ഫയല്‍ ചിത്രം

തിരുവനന്തപുരം: സംസ്ഥാനത്ത് ഇന്ന് ഏറ്റവും കൂടുതൽ പേർക്ക് കോവിഡ് സ്ഥിരീകരിച്ചത് കോഴിക്കോട്. 345 പേർക്കാണ് ജില്ലയിൽ ഇന്ന് രോ​ഗം കണ്ടെത്തിയത്. ഇന്ന് 300ന് മുകളിൽ രോ​ഗികളുള്ള ഏക ജില്ലയും കോഴിക്കോടാണ്. സംസ്ഥാനത്ത് ആകെ  2616 പേർക്കാണ് രോ​ഗം സ്ഥിരീകരിച്ചത്. അഞ്ച് മാസത്തിന് ശേഷം ഏറ്റവും കുറവ് പ്രതിദിന രോ​ഗികളുള്ള ദിവസമാണ് ഇന്ന്. സെപ്റ്റംബർ 25ന് ശേഷമാണ് ഇത്രയും കുറവ് പ്രതിദിന രോ​ഗികളുണ്ടാകുന്നത്. 

കോഴിക്കോട് 345, കൊല്ലം 258, തൃശൂർ 248, എറണാകുളം 228, കോട്ടയം 224, ആലപ്പുഴ 223, തിരുവനന്തപുരം 222, കണ്ണൂർ 204, മലപ്പുറം 171, പത്തനംതിട്ട 126, കാസർക്കോട് 121, വയനാട് 89, പാലക്കാട് 81, ഇടുക്കി 76 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്.

കഴിഞ്ഞ 24 മണിക്കൂറിനിടെ 63,041 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 4.15 ആണ്. 14 മരണങ്ങളാണ് കോവിഡ് മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 4255 ആയി.

ഇന്ന് രോഗം സ്ഥിരീകരിച്ചവരിൽ 76 പേർ സംസ്ഥാനത്തിന് പുറത്ത് നിന്നും വന്നവരാണ്. 2339 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 181 പേരുടെ സമ്പർക്ക ഉറവിടം വ്യക്തമല്ല. കോഴിക്കോട് 325, കൊല്ലം 253, തൃശൂർ 241, എറണാകുളം 207, കോട്ടയം 218, ആലപ്പുഴ 217, തിരുവനന്തപുരം 147, കണ്ണൂർ 154, മലപ്പുറം 158, പത്തനംതിട്ട 118, കാസർക്കോട് 106, വയനാട് 82, പാലക്കാട് 42, ഇടുക്കി 71 എന്നിങ്ങനെയാണ് സമ്പർക്കത്തിലൂടെ രോഗം ബാധിച്ചത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com