തിരുവനന്തപുരം: സ്ഥാനാര്‍ത്ഥി നിര്‍ണ്ണയം പൂര്‍ത്തിയാക്കാത്ത ആറ് മണ്ഡലങ്ങളില്‍ പുതിയ ഫോര്‍മുലയുമായി കോണ്‍ഗ്രസ് നേതൃത്വം. കല്‍പറ്റ, നിലമ്പൂര്‍, തവനൂര്‍, പട്ടാമ്പി, കുണ്ടറ, വട്ടിയൂര്‍ക്കാവ് മണ്ഡലങ്ങളിലാണ് ഇനിയും തര്‍ക്കം തീരാത്തത്.
വട്ടിയൂര്‍ക്കാവ് പി സിവിഷ്ണുനാഥ്, കുണ്ടറ പി എ ബാലന്‍ മാസ്റ്റര്‍ ( മില്‍മ ചെയര്‍മാന്‍) കല്‍പറ്റ ടി സിദ്ദിഖ്, നിലമ്പൂരില്‍ വി വി പ്രകാശ്, തവനൂര്‍ റിയാസ് മുക്കോളി, പട്ടാമ്പി ആര്യാടന്‍ ഷൗക്കത്ത് എന്നിങ്ങനെയാണ് ഹൈക്കമാന്‍ഡ് നിര്‍ദ്ദേശിച്ചിരിക്കുന്ന പേരുകള്‍.
രാഹുല്‍ ഗാന്ധിയുടെ കൂടി ഇടപെടലില്‍ തര്‍ക്ക മണ്ഡലങ്ങളിലെ പ്രഖ്യാപനം നാളെ നടക്കും. 86 സീറ്റുകളില്‍ കോണ്‍ഗ്രസ് ഇന്ന് സ്ഥാനാര്‍ത്ഥികളെ പ്രഖ്യാപിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
