തിരുവനന്തപുരം: കോവിഡ് നിയന്ത്രണങ്ങള്‍ നിലവിലുള്ള സമയത്ത് തെരുവ് നായ്ക്കള്‍ ഉള്‍പ്പെടെയുള്ള മൃഗങ്ങള്‍ക്ക് ആഹാരം നല്‍കുന്നവരെ തടയാന്‍ പാടില്ലെന്ന് സംസ്ഥാന പൊലീസ് മേധാവി ലോക് നാഥ് ബെഹ്‌റ എല്ലാ ജില്ലാ പൊലീസ് മേധാവിമാര്‍ക്കും നിര്‍ദ്ദേശം നല്‍കി. എന്നാല്‍, ഇങ്ങനെ ഭക്ഷണം എത്തിച്ചു നല്‍കുന്നവര്‍ എല്ലാവിധ കോവിഡ് സുരക്ഷാ മാനദണ്ഡങ്ങളും പാലിക്കേണ്ടതാണ്.
തെരുവ് നായ്ക്കള്‍ക്ക് ഭക്ഷണം എത്തിക്കുന്നവരെ ചില സ്ഥലങ്ങളില്‍ പൊലീസ് തടഞ്ഞെന്ന റിപ്പോര്‍ട്ടിന്റെ അടിസ്ഥാനത്തിലാണ് ഈ നിര്‍ദേശം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
