തിരുവനന്തപുരം: ഓക്‌സിജന്‍ വിലവര്‍ധനവ് നിരോധിച്ച് സംസ്ഥാന സര്‍ക്കാര്‍. ഓക്‌സിജന്‍പൂഴ്ത്തിവച്ചാലോ കരിഞ്ചന്തയില്‍ വിറ്റാലോ കര്‍ശന നടപടിയെടുക്കും. മെഡിക്കല്‍ ഓക്‌സിജന്‍ സിലിണ്ടറുകള്‍ നിറയ്ക്കാന്‍ കാലതാമസം പാടില്ലെന്നും സര്‍ക്കാര്‍ നിര്‍ദേശം നല്‍കി.
ഓക്‌സിജന്റെ ലഭ്യത പരാമാവധി ഉറപ്പുവരുത്തുന്നതിന്റെ ഭാഗമായാണ് നടപടി. മെഡിക്കല്‍ ഓക്‌സിജിന്‍ സിലിണ്ടറുകള്‍ നിറയ്ക്കുന്നതില്‍ കാലതാമസം ഉണ്ടാവരുതെന്നും ഓക്‌സിജന്‍ സിലിണ്ടര്‍ കരിഞ്ചന്തയില്‍ വില്‍പ്പന നടത്തുന്ന സാഹചര്യം ഉണ്ടാകരുതെന്നും, മെഡിക്കല്‍ ഓക്‌സിജന്റെ വിലകൂട്ടരുതെന്നും ചീഫ് സെക്രട്ടറി ഇറക്കിയ ഉത്തരവില്‍ പറയുന്നു.
ഓക്‌സിജന്‍ സിലിണ്ടര്‍ ഉറപ്പുവരുത്തുന്നതിനും ആ വാഹനങ്ങള്‍ സുഗമമായി സഞ്ചരിക്കുന്നതിനുമായി ഗ്രീന്‍ കോറിഡോര്‍ അനുവദിച്ചും സര്‍ക്കാര്‍ ഉത്തരവിട്ടു. ഏതെങ്കിലും തരത്തില്‍ ഉത്തരവ് ലംഘിച്ചാല്‍ കര്‍ശനനടപടി സ്വീകരിക്കുമെന്ന് സര്‍ക്കാര്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
