തൃശൂര്: ജില്ലയിലെ കണ്ടെയിന്മെന്റ് സോണുകളിലെ പലചരക്ക്, പച്ചക്കറി കടകള് എന്നിവ നാളെമാത്രം രാവിലെ 9 മണി മുതല് വൈകിട്ട് 7 വരെ പ്രവര്ത്തിക്കാമെന്ന് ജില്ലാ കലക്ടര് എസ് ഷാനവാസ് അറിയിച്ചു. കോവിഡ് വ്യാപനത്തിന്റെ പശ്ചാത്തലത്തില് മെയ് 8 മുതല് സംസ്ഥാനത്ത് ലോക്ക്ഡൗണ് പ്രഖ്യാപിച്ച സാഹചര്യത്തിലാണ് നടപടി.
ദൈനംദിന ആവശ്യങ്ങള് നിറവേറ്റുന്നതിനു വേണ്ടിമാത്രമാണ് ഇളവനുവദിക്കുക. നിര്ദ്ദേശങ്ങള് ലംഘിക്കുന്നവര്ക്കെതിരെ നിയമ നടപടികള് സ്വീകരിക്കുന്നതാണെന്നും സെക്ട്രല് മജിസ്ട്രേറ്റുമാരും തദ്ദേശ സ്വയംഭരണ അധികൃതരും പോലീസും ഇക്കാര്യം ഉറപ്പു വരുത്തണമെന്നും കലക്ടര് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ