മലപ്പുറം: ചാരായം വാറ്റുന്നതിനിടെ കോവിഡ് രോഗി പിടിയിൽ. എടക്കര സ്വദേശി കൃഷ്ണൻ (54) ആണ് പിടിയിലായത്. രഹസ്യ സന്ദേശത്തിന്റെ അടിസ്ഥാനത്തിൽ പൊലീസും, എക്സൈസും ചേർന്ന് നടത്തിയ പരിശോധനയിലാണ് വാറ്റുന്നതിനിടയിൽ ഇയാളെ പിടികൂടിയത്.
വീട്ടിൽ പരിശോധന നടന്നുകൊണ്ടിരിക്കുമ്പോഴാണ് പ്രതിക്ക് കോവിഡ് സ്ഥിരീകരിച്ചെന്ന സന്ദേശം ആശുപത്രിയിൽ നിന്ന് വരുന്നത്. ഒടുവിൽ അറസ്റ്റ് ഒഴിവാക്കിയ സംഘം കേസെടുത്ത് പ്രതിയെ വീട്ടിൽ ക്വാറൻറീനിലാക്കി മടങ്ങി.
ലോക്ഡൗൺ തുടങ്ങിയതോടെ കൃഷ്ണൻ വീടിന്റെ ടെറസ് വാറ്റ് കേന്ദ്രമാക്കുകയായിരുന്നു. നിരവധി വാറ്റുപകരണങ്ങളും ഇയാളുടെ വീട്ടിൽ നിന്ന് പിടിച്ചെടുത്തു. പ്രതിക്ക് കോവിഡ് സ്ഥിരീകരിച്ച സാഹചര്യത്തിൽ അന്വേഷണ സംഘത്തിലുണ്ടായിരുന്ന ഉദ്യോഗസ്ഥർ ക്വാറന്റൈൻ പോകേണ്ടിവരും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ