തിരുവനന്തപുരം: സംസ്ഥാനത്ത് കോവിഡ് കാരണമുണ്ടാകുന്ന മരണനിരക്ക് വര്ധിക്കുന്നു. ഔദ്യോഗിക കണക്ക് പ്രകാരമുള്ള മരണസംഖ്യ ആറായിരം കടന്നു. ഇന്ന് 95പേരുടെ മരണമാണ് കോവിഡ് കാരണമാണെന്ന് സ്ഥിരീകരിച്ചത്. സംസ്ഥാനത്ത് ഒരുദിവസം സ്ഥിരീകരിക്കുന്ന ഏറ്റവും ഉയര്ന്ന മരണസംഖ്യയാണിത്. 6053പേരുടെ മരണമാണ് ഇതുവരെ ഔദ്യോഗികമായി സ്ഥിരീകരിച്ചിട്ടുള്ളത്.
ഏറ്റവും ഉയര്ന്ന പ്രതിദിന വര്ധനവാണ് കോവിഡ് രോഗികളുടെ കാര്യത്തില് ഇന്ന് റിപ്പോര്ട്ട് ചെയ്തത്. ടെസ്റ്റ് പോസിറ്റിവിറ്റി നിരക്ക് 29.75.
എറണാകുളം 6410, മലപ്പുറം 5388, കോഴിക്കോട് 4418, തിരുവനന്തപുരം 4284, തൃശൂര് 3994, പാലക്കാട് 3520, കൊല്ലം 3350, കോട്ടയം 2904, ആലപ്പുഴ 2601, കണ്ണൂര് 2346, പത്തനംതിട്ട 1339, ഇടുക്കി 1305, കാസര്കോട് 969, വയനാട് 701 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,46,320 സാമ്പിളുകളാണ് പരിശോധിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ