ഇത് ജനങ്ങൾ നൽകിയ 'ജന്മദിന സമ്മാനം'; പിണറായി വിജയന് ഇന്ന് 76–ാം പിറന്നാൾ 

ഭരണത്തുടര്‍ച്ചയെന്ന ജന്മദിന സമ്മാനവുമായാണ് പിണറായി ഇന്ന് നിയസഭയിലെത്തുക
പിണറായി വിജയന്‍/ഫയല്‍
പിണറായി വിജയന്‍/ഫയല്‍

തിരുവനന്തപുരം: തുടർഭരണ ചരിത്രം കുറിച്ച് പതിനഞ്ചാം നിയമസഭയുടെ ആദ്യ സമ്മേളനത്തിനെത്തുന്ന മുഖ്യമന്ത്രി പിണറായി വിജയന് ഇന്ന് 76–ാം പിറന്നാൾ. ഔദ്യോഗിക രേഖകളിൽ മാർച്ച് 21 ആണ് ജന്മദിനം. അഞ്ച് വർഷം മുൻപ് 2016 മേയ് 25ന് കേരളത്തിന്റെ മുഖ്യമന്ത്രിയായി അധികാരമേല്‍ക്കുന്നതിന് തലേന്നാളാണ് തന്റെ യഥാർഥ ജനനത്തീയതി ആദ്യമായി പിണറായി തുറന്നു പറഞ്ഞത്. 

കേരളജനത നല്‍കിയ ഭരണത്തുടര്‍ച്ചയെന്ന ജന്മദിന സമ്മാനവുമായാണ് പിണറായി ഇന്ന് നിയസഭയിലെത്തുക. നിയമസഭാ സമ്മേളനം തുടങ്ങുന്ന ദിവസമെന്നതിനപ്പുറം മറ്റ്  പ്രത്യേകതകളൊന്നുമില്ലെന്ന് മുഖ്യമന്ത്രിയുടെ ഓഫീസറിയിച്ചു. ആഘോഷങ്ങളോ ചടങ്ങുകളോ ഒന്നുമില്ലെന്നാണ് റിപ്പോർട്ടുകൾ.  

1945 മെയ് 24നാണ് മുഖ്യമന്ത്രി ജനിച്ചത്. 15 വര്‍ഷത്തിലേറെ സംസ്ഥാന സെക്രട്ടറിയായി സിപിഎമ്മിനെ നയിച്ചു റെക്കോര്‍ഡിട്ട നേതാവ് ഇന്ന് ഇന്ത്യയില്‍ ഇടതുപക്ഷത്തിന്റെ ഏക മുഖ്യമന്ത്രിയാണ്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com