നീറ്റ് പരീക്ഷാഫലം: ഒന്നാം റാങ്ക് പങ്കിട്ട് രണ്ട് മലയാളികള്‍

നീറ്റ് പരീക്ഷാഫലം പുറത്തുവന്നു. 720 മാര്‍ക്ക് നേടി ഒന്നാം റാങ്ക് മൂന്നുപേര്‍ പങ്കിട്ടു
മൃണാള്‍, കാര്‍ത്തിക/ഫയല്‍
മൃണാള്‍, കാര്‍ത്തിക/ഫയല്‍

ന്യൂഡല്‍ഹി: നീറ്റ് പരീക്ഷാഫലം പുറത്തുവന്നു. 720 മാര്‍ക്ക് നേടി ഒന്നാം റാങ്ക് മൂന്നുപേര്‍ പങ്കിട്ടു. ഇതില്‍ രണ്ട് മലയാളികളും. ഹൈദരാബാദിലെ മൃണാള്‍ കുട്ടേരി, മുംബൈയിലെ കാര്‍ത്തിക ജി നായരുമാണ് ഒന്നാം സ്ഥാനത്തെത്തിയ മലയാളികള്‍. ഡല്‍ഹി സ്വദേശിയായ തന്‍മയ് ഗുപ്തയാണ് റാങ്ക് പങ്കിട്ട മൂന്നാമത്തെയാള്‍. 

കണ്ണൂര്‍ കൂത്തുപറമ്പ് സ്വദേശി മുരളീധരന്‍ കുട്ടേരിയുടെയും കൊല്ലം മയ്യനാട് സ്വദേശി രതി രവീന്ദ്രന്റെയും മകനാണ് മൃണാള്‍. കണ്ണൂര്‍ കരിവള്ളൂര്‍ സ്വദേശി ഗംഗാധരന്‍ കെ നായരുടെയും ശ്രീവിദ്യയുടെയും മകളാണ് കാര്‍ത്തിക. 

ആലപ്പുഴ സ്വദേശി എസ് ഗൗരി ശങ്കറാണ് കേരളത്തില്‍ ഒന്നാമത്. 715 മാര്‍ക്കോടെ ദേശീയതലത്തില്‍ 17ാം റാങ്കുണ്ട്. സുനില്‍ കുമാറിന്റെയും രേഖയുടെയും മകനാണ്. 

തൃശൂര്‍ സ്വദേശിനി വൈഷ്ണ ജയവര്‍ധന്‍ (710 മാര്‍ക്ക്,23-ാം റാങ്ക്), കോട്ടയം സ്വദേശി ആര്‍ കവിനേഷ് (710 മാര്‍ക്ക്,31-ാം റാങ്ക്) എന്നിവരാണ് ആദ്യ 50ലെ മറ്റു മലയാളികള്‍. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com