കൊച്ചി: വിദേശത്തുനിന്നു അവധിക്ക് എത്തിയ മകനെ സ്വീകരിക്കാൻ നെടുമ്പാശേരി അന്താരാഷ്ട്ര വിമാനത്താവളത്തിലെത്തിയ പിതാവ് കുഴഞ്ഞു വീണു മരിച്ചു. ചാവക്കാട് പാവറട്ടി സ്വദേശി വെൺമടത്തായിൽ വീട്ടിൽ എൻ കെ കുഞ്ഞാണ് (65) മരിച്ചത്.
ഇന്നു പുലർച്ചെയായിരുന്നു സംഭവം. ബഹറൈനിൽനിന്ന് എത്തിയ മകൻ ഷിഹാബിനെ സ്വീകരിക്കാൻ കുടുംബാംഗങ്ങളോടൊപ്പം വിമാനത്താവളത്തിൽ എത്തിയതായിരുന്നു ഇദ്ദേഹം.വിമാനത്തിൽനിന്ന് ഇറങ്ങി പരിശോധനകൾ പൂർത്തിയാക്കിയ ശേഷം അന്താരാഷ്ട്ര ടെർമിനലിനു പുറത്തെത്തിയ ഷിഹാബുമായി ആലിംഗനം ചെയ്തു.
സന്തോഷം പങ്കിടുന്നതിനിടയിൽ പെട്ടെന്നു ശാരീരിക അസ്വസ്ഥത അനുഭവപ്പെടുകയായിരുന്നു.ഉടനെ അങ്കമാലി എൽഎഫ് ആശുപത്രിയിൽ എത്തിച്ചെങ്കിലും അധികം താമസിയാതെ മരണം സംഭവിക്കുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ