സാങ്കേതിക സര്‍വകലാശാല ബിടെക് ക്ലാസുകള്‍ 22മുതല്‍

By സമകാലിക മലയാളം ഡെസ്‌ക്‌  |   Published: 08th November 2021 05:23 PM  |  

Last Updated: 08th November 2021 05:23 PM  |   A+A-   |  

TECHNICAL_UNIVERSITY

ഫയല്‍ ചിത്രം

 

തിരുവനന്തപുരം: സാങ്കേതിക സര്‍വകലാശാലയ്ക്ക് കീഴിലുള്ള കോളജുകളുടെ ഒന്നാംവര്‍ഷ ബി ടെക് ക്ലാസുകള്‍ 22മുതല്‍ ആരംഭിക്കും. ഓഫ്‌ലൈന്‍ ക്ലാസുകളാണ് ആരംഭിക്കുന്നത്.  

പിഎച്ച്ഡി പ്രവേശനം

സാങ്കേതിക സര്‍വകലാശാലയില്‍ 2020-21ലെ എഐസിടിഇ ഡോക്ടറല്‍ ഫെലോഷിപ്പോടുകൂടി എഞ്ചിനീയറിംഗ്/ടെക്‌നോളജിയില്‍ ഫുള്‍-ടൈം പിഎച്ച്ഡി പ്രവേശനത്തിനായി എസ്‌സി, എസ്ടി, ഇ ഡബ്‌ള്യുഎസ് വിദ്യാര്‍ത്ഥികളില്‍ നിന്ന് അപേക്ഷ ക്ഷണിച്ചു. തൃശൂര്‍ ഗവ: എഞ്ചിനീയറിംഗ് കോളേജില്‍ എസ്‌സി/ എസ്ടി/ ഈഡബ്‌ള്യുഎസ് വിദ്യാര്‍ത്ഥികള്‍ക്കായി സംവരണം ചെയ്ത സീറ്റുകളില്‍ ഓരോ ഒഴിവുകളുള്ളത്.

അപേക്ഷാര്‍ത്ഥികള്‍ www.app.ktu.edu.in എന്ന പോര്‍ട്ടലില്‍ രജിസ്റ്റര്‍ ചെയ്ത് അപേക്ഷ സമര്‍പ്പിക്കണം. എഐസിടിഇ ഇറക്കിയ വിജ്ഞാപനത്തില്‍ നല്‍കിയിരിക്കുന്ന രേഖകളോടൊപ്പം വേണം അപേക്ഷ നല്‍കേണ്ടത്. എസ്‌സി/എസ്ടി വിഭാഗങ്ങള്‍ക്ക് 500 രൂപയും ഈഡബ്‌ള്യുഎസ് വിഭാഗത്തിന് 1000 രൂപയുമാണ് അപേക്ഷാ ഫീസ്. അപേക്ഷകള്‍ സമര്‍പ്പിക്കുന്നതിനുള്ള അവസാന തീയതി നവംബര്‍ 15 ആണ്. എഐസിടിഇയുടെ വിശദമായ അറിയിപ്പും മാര്‍ഗ്ഗനിര്‍ദ്ദേശങ്ങളും യൂണിവേഴ്‌സിറ്റി വെബ്‌സൈറ്റില്‍ ലഭ്യമാണ്. അപേക്ഷകള്‍ സംബന്ധിച്ച സംശയങ്ങള്‍ക്ക് phdadf@ktu.edu.in എന്ന ഇമെയിലില്‍ ബന്ധപെടുക.