കൊച്ചി: റോഡരികിൽ തള്ളിയ മാലിന്യത്തിൽ ചവിട്ടി തെന്നി വീണ് വയോധികൻ മരിച്ചു. എറണാകുളം കണ്ണമാലി കാട്ടിപ്പറമ്പിന് സമീപമാണ് ദാരുണ സംഭവം. കാട്ടിപ്പറമ്പ് സ്വദേശി പട്ടാളത്തിൽ ജോർജ് (92) ആണ് മരിച്ചത്. ശുചിമുറി മാലിന്യം റോഡരികിൽ തള്ളിയതാണ് അപകടത്തിന് കാരണമായതെന്ന് നാട്ടുകാർ ആരോപിച്ചു.
ഇന്ന് പുലർച്ചെയാണ് സംഭവം. കണ്ണമാലിയിൽ നിന്ന് പുലർച്ചെ നടക്കാനിറങ്ങിയതായിരുന്നു ജോർജ്. അതിനിടെയാണ് അപകടമുണ്ടായത്.
മാലിന്യത്തിൽ ചവിട്ടിയപ്പോൾ തെന്നി റോഡരികിലെ ഓടയിലേക്ക് തലയടിച്ച് വീണാണ് മരണം സംഭവിച്ചത് എന്നാണ് പ്രാഥമിക വിവരം. പൊലീസ് സ്ഥലത്തെത്തി കൂടുതൽ പരിശോധനകൾ ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
