തിളച്ചവെള്ളം ദേഹത്ത് വീണു; പിഞ്ചു കുഞ്ഞ് മരിച്ചു

കണ്ണൂർ: ദേഹത്ത് തിളച്ചവെള്ളം വീണ്​ പിഞ്ചുകുഞ്ഞ്​ മരിച്ചു. ബംഗളൂരുവിൽ താമസിക്കുന്ന ഇരിക്കൂർ സ്വദേശികളായ  വ്യാപാരി പെടയങ്കോട് മിനിക്കൻ ഹൗസിൽ എം അബ്​ദു റസാഖിൻെറയും തട്ടുപറമ്പിൽ മുല്ലോളി ഫാത്തിമയുടെയും ഇളയ മകൻ ഫൈസാൻ (1) ആണ്​ മരിച്ചത്. 

തിളച്ചവെള്ളം അബദ്ധത്തിൽ ദേഹത്ത് മറിയുകയായിരുന്നു. ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.ബംഗളൂരു കെഎംസിസി പ്രവർത്തകരുടെ നേതൃത്വത്തിൽ മൃതദേഹം നാട്ടിലെത്തിച്ച്​ ഖബറടക്കി.