തിരുവനന്തപുരം; വയോധികയെ വീടിനുള്ളിൽ അതിക്രമിച്ചു കയറി പീഡിപ്പിക്കാൻ ശ്രമിച്ച യുവാവ് അറസ്റ്റിൽ. ഊരൂട്ടമ്പലം നീറമണ്കുഴി നാരായണ സദനത്തില് അജിത് കുമാര്(39) ആണ് അറസ്റ്റിലായത്. മാറനല്ലൂര് സ്വദേശിനിയായ 83 വയസുകാരിയെ ആണ് ഇയാൾ പീഡിപ്പിക്കാൻ ശ്രമിച്ചത്.
ഇക്കഴിഞ്ഞ നാലിനാണ് സംഭവമുണ്ടാകുന്നത്. മദ്യലഹരിയിലായിരുന്ന അജിത് കുമാർ ഒറ്റയ്ക്ക് താമസിക്കുന്ന വയോധികയുടെ വീട്ടില്ക്കയറി പീഡിപ്പിക്കാന് ശ്രമിക്കുകയായിരുന്നു. സംഭവത്തെക്കുറിച്ച് വയോധിക ബന്ധുക്കളെ അറിയിച്ചതോടെയാണ് പൊലീസിൽ പരാതി നൽകിയത്. മാറനല്ലൂര് എസ്.എച്ച്.ഒ. തന്സീം അബ്ദുള് സമദിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ