മലപ്പുറത്ത് കേസ് അന്വേഷിക്കാനെത്തിയ എസ്‌ഐയ്ക്ക് കുത്തേറ്റു; ആശുപത്രിയില്‍ 

കൊണ്ടോട്ടിയില്‍ കേസ് അന്വേഷിക്കാനെത്തിയ എസ്‌ഐയ്ക്ക് കുത്തേറ്റു
പ്രതീകാത്മക ചിത്രം
പ്രതീകാത്മക ചിത്രം

മലപ്പുറം: കൊണ്ടോട്ടിയില്‍ കേസ് അന്വേഷിക്കാനെത്തിയ എസ്‌ഐയ്ക്ക് കുത്തേറ്റു. എസ്‌ഐ ഒ കെ രാമചന്ദ്രനാണ് തോളില്‍ കുത്തേറ്റത്.

പള്ളിക്കല്‍ ബസാറിലെ മിനി എസ്റ്റേറ്റിലാണ് സംഭവം. കേസ് അന്വേഷണത്തിന്റെ ഭാഗമായാണ് ഒ കെ രാചന്ദ്രന്റെ നേതൃത്വത്തിലുള്ള പൊലീസ് സംഘം സ്ഥലത്തെത്തിയത്. സ്ഥാപനത്തില്‍ കല്ലെടുത്ത് എറിഞ്ഞതുമായി ബന്ധപ്പെട്ട പരാതി അന്വേഷിക്കാനാണ് സംഘം എത്തിയത്. എന്നാല്‍ പ്രതി എസ്‌ഐയെ ആക്രമിക്കുകയായിരുന്നു. ഒ കെ രാമചന്ദ്രന്റെ തോളിലാണ് കുത്തേറ്റത്. 

ഉടന്‍ തന്നെ എസ്‌ഐയെ കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു. പ്രതിയെ കൊണ്ടോട്ടി പൊലീസ് കസ്റ്റഡിയിലെടുത്തതായാണ് സൂചന.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com