അനൂപ് മേനോനെന്ന് പരിചയപ്പെടുത്തി, മകളെ തട്ടിക്കൊണ്ടുപോകുമെന്ന് ഭീഷണി; പരാതിയുമായി വീട്ടമ്മ

മോഷ്ടിച്ച സിമ്മിൽ നിന്നാണു വിളി വന്നതെന്നും ഫോൺ ഇപ്പോൾ ഓഫ് ചെയ്തിരിക്കുകയാണെന്നും പൊലീസ്
പ്രതീകാത്മക ചിത്രം
പ്രതീകാത്മക ചിത്രം

കോട്ടയം; മകളെ തട്ടിക്കൊണ്ടുപോകുമെന്ന് ഫോണിലൂടെ ഭീഷണിപ്പെടുത്തിയതായി വീട്ടമ്മയുടെ പരാതി. കോട്ടയം മേലുകാവ് സ്വദേശിനിയാണ് പരാതിയുമായി പൊലീസിനെ സമീപിച്ചത്. ആൽബത്തിന് ആവശ്യമായ ജോലികൾ ചെയ്തുകൊടുക്കണമെന്ന് ആവശ്യപ്പെട്ടുകൊണ്ടാണ് കുട്ടിയുടെ ഫോണിലേക്ക് വിളിക്കുന്നത്. മോഷ്ടിച്ച സിമ്മിൽ നിന്നാണു വിളി വന്നതെന്നും ഫോൺ ഇപ്പോൾ ഓഫ് ചെയ്തിരിക്കുകയാണെന്നും പൊലീസ് പറഞ്ഞു.

വിളിച്ച് ആൽബത്തിന് ആവശ്യമായ ജോലികൾ  ഫോൺ വിളിക്കുന്നത്. ഇയാൾ പിന്നീട്  അമ്മയെയും മകളെയും തുടർച്ചയായി വിളിച്ചിരുന്നു. തുടർന്ന്, ആൽബത്തിന്റെ ജോലിക്കു താൽപര്യമില്ലെന്ന് അറിയിച്ചു. ഇതോടെ മകളെ തട്ടിക്കൊണ്ടുപോകുമെന്നു ഭീഷണിപ്പെടുത്തുകയായിരുന്നു.

ചൈൽഡ് ലൈനിലും പരാതി നൽകിയിട്ടുണ്ട്. ആറന്മുള സ്വദേശിയുടെ മോഷ്ടിച്ച സിം കാർഡിൽ നിന്നാണു വിളിക്കുന്നതെന്നും ഇതേ നമ്പറിൽ നിന്നു സമാനമായ പരാതി പല സ്റ്റേഷനിലും ലഭിച്ചിട്ടുണ്ടെന്നും അന്വേഷണത്തിൽ വ്യക്തമായതായി മേലുകാവ് പൊലീസ് പറഞ്ഞു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com