നര്‍ക്കോട്ടിക് ജിഹാദ്: പാലാ ബിഷപ്പിനെ പിന്തുണച്ച് തൃശൂര്‍ യുഡിഎഫിന്റെ പ്രസ്താവന; പിന്നില്‍ ചില 'തത്പര കക്ഷികളെന്ന്' ഡിസിസി പ്രസിഡന്റ്

പാലാ ബിഷപ്പിന്റെ നര്‍ക്കോട്ട് ജിഹാദ് പരാമര്‍ശത്തെ പിന്തുണച്ച് തൃശൂരില്‍ യുഡിഎഫ് ഇറക്കിയ പ്രസ്താവന വിവാദത്തില്‍
ഫയല്‍ ചിത്രം
ഫയല്‍ ചിത്രം



തൃശൂര്‍: പാലാ ബിഷപ്പിന്റെ നര്‍ക്കോട്ട് ജിഹാദ് പരാമര്‍ശത്തെ പിന്തുണച്ച് തൃശൂരില്‍ യുഡിഎഫ് ഇറക്കിയ പ്രസ്താവന വിവാദത്തില്‍. യുഡിഎഫിന്റെ സംസ്ഥാന നേതൃത്വത്തിന്റെ നിലപാടില്‍ നിന്നും വ്യത്യസ്തമായാണ് പ്രസ്താവന വന്നിരിക്കുന്നത്. ബിഷപ്പിന്റെ അഭിപ്രായം ഒരു മതത്തിനും എതിരെല്ലെന്നും അനാവശ്യ വിവാദം വേണ്ടെന്നുമാണ് പ്രസ്താവന. 

എന്നാല്‍ ഇത് വിവാദമായതിന് പിന്നാലെ, പ്രസ്താവനയെ തളളി ഡിസിസി പ്രസിഡന്റ് രംഗത്തെത്തി. പ്രസ്താവനയുമായി ഡിസിസിക്ക് ബന്ധമില്ലെന്നും ഓഫീസ് സ്റ്റാഫിനെ സ്വാധീനിച്ച് യുഡിഎഫിലെ ചില തത്പര കക്ഷികള്‍ ഇറക്കിയതാണെന്നുമാണ് പ്രസിഡന്റ് ജോസ് വള്ളൂരിന്റെ പ്രതികരണം. 

നര്‍ക്കോട്ടിക് ജിഹാദ് സംഘപരിവാര്‍ അജണ്ടയാണെന്നായിരുന്നു പ്രതിപക്ഷ നേതാവ് വി ഡി സതീശന്‍ അടക്കമുള്ള കോണ്‍ഗ്രസ് നേതാക്കളുടെ നിലപാട്. സാമൂഹ്യ സാഹചര്യങ്ങള്‍ മോശമാകാതിരിക്കാന്‍ സര്‍ക്കാര്‍ സര്‍വ്വ മത-രാഷ്ട്രീയ നേതാക്കളുടെ യോഗം വിളിക്കണമെന്നും കോണ്‍ഗ്രസ് നേതാക്കള്‍ ആവശ്യപ്പെട്ടിരുന്നു. എന്നാല്‍ ഈ നിലപാടിന് വിപരീതമായ പ്രസ്താവനയാണ് തൃശൂര്‍ യുഡിഎഫിന്റെ ഭാഗത്തുനിന്നുണ്ടായത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com