ആറ് മണിക്കൂറിൽ 193 ദേശീയ ഗാനങ്ങൾ; പാട്ടുംപാടി റെക്കോർഡിട്ട് മലയാളി സഹോദരിമാർ 

By സമകാലിക മലയാളം ഡെസ്‌ക്‌  |   Published: 22nd September 2021 08:04 AM  |  

Last Updated: 22nd September 2021 08:04 AM  |   A+A-   |  

193_national_anthem

തെരേസ, ആഗ്നസ്/ ചിത്രം: ഫേയ്സ്ബുക്ക്

 

ബ്രിസ്‌ബേൻ: ആറ് മണിക്കൂർ കൊണ്ട് പാട്ടുംപാടി ലോകം കീഴടക്കിയിരിക്കുകയാണ് ഈ മലയാളി പെൺക്കുട്ടികൾ. 193 രാജ്യങ്ങളുടെ ദേശീയ ഗാനങ്ങളാണ് ആലപ്പുഴ ചേർത്തല സ്വദേശികളായ തെരേസ ജോയിയും ആഗ്നസ് ജോയിയും മനഃപാഠമാക്കി ആലപിച്ചത്. മൂന്ന് രാജ്യാന്തര റെക്കോർഡ് പട്ടികയിലാണ് ഒറ്റദിനത്തിൽ ഇവർ ഇടംപിടിച്ചത്. 

ഓസ്ട്രേലിയയിൽ താമസിക്കുന്ന തെരേസയും ആ​ഗ്നസും  ബ്രിസ്ബേൻ സെന്റ് ജോൺസ് കത്തീഡ്രലിൽ രാവിലെ 10 മുതൽ വൈകിട്ടു വരെ നടന്ന പരിപാടിയിലാണ് നേട്ടം സ്വന്തമാക്കിയത്. എല്ലാ രാജ്യങ്ങളുടെയും ദേശീയഗാനങ്ങൾ ഇവർ കാണാതെ പഠിച്ചു പാടി‌. ഓരോ 2 മണിക്കൂറിലും 10 മിനിറ്റ് മാത്രമായിരുന്നു ഇടവേള. ലോകത്താദ്യമായി നൂറിലേറെ രാജ്യാന്തര ഭാഷകളിൽ പാടിയവർ എന്നതടക്കം പല റെക്കോർഡുകളാണ് ഇവർ സ്വന്തമായത്. 

ഓസ്ട്രേലിയയിലെ സിനിമ മേഖലയിൽ പ്രവർത്തിക്കുന്ന തൈക്കാട്ടുശ്ശേരി കണിയാംപറമ്പിൽ ജോയ് കെ മാത്യുവിന്റെയും നഴ്‌സായ ജാക്വിലിന്റെയും മക്കളാണ് ഇവർ. ക്രിമിനോളജി-സൈക്കോളജി പഠനം പൂർത്തിയാക്കിയ തെരേസ യു എൻ അസോസിയേളൻ ഓഫ് ഓസ്ട്രേലിയയുടെ സെക്രട്ടറിയാണ്. ആഗ്നസ് 12-ാം ക്ലാസ് വിദ്യാർഥിനിയാണ്.