തിരുവനന്തപുരം: സംസ്ഥാനത്തെ പെട്രോൾ പമ്പുകളിൽ അളവിൽ കൃത്രിമം നടക്കുന്നതായി മന്ത്രി ജി ആർ അനിൽ. 700 പമ്പുകളിൽ പരിശോധന നടത്തിയെന്നും അതിൽ 46 ഇടത്ത് ക്രമക്കേട് കണ്ടെത്തിയതായും മന്ത്രി വ്യക്തമാക്കി.
ക്രമക്കേട് കണ്ടെത്തിയ ഇടങ്ങളിൽ പമ്പുടമകൾക്ക് നോട്ടീസ് നൽകിയെന്നും തെറ്റുകൾ തിരുത്താത്ത പക്ഷം നിയമനടപടിയിലേക്ക് കടക്കുമെന്നും മന്ത്രി വ്യക്തമാക്കി. മുമ്പും കേരളത്തിലെ പെട്രോൾ പമ്പുകളിൽ കൃത്രിമം നടക്കുന്നത് പിടികൂടിയിട്ടുണ്ട്.
അളവിൽ കുറവുള്ള നോസിലുകൾ ഉപയോഗിച്ചാണ് പമ്പുകൾ കൃത്രിമം നടത്തുന്നത്. ദിവസവും രാവിലെ നോസിലുകൾ പരിശോധിച്ച് അളവ് കൃത്യമാക്കണമെന്ന നിർദേശം പല പമ്പുകളും പാലിക്കുന്നില്ലെന്നും ലീഗൽ മെട്രോളജി വിഭാഗത്തിന്റെ പരിശോധനയിൽ കണ്ടെത്തിയതായി മന്ത്രി പറഞ്ഞു.
ഈ വാര്ത്ത കൂടി വായിക്കാം
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ