തൃശൂര്: ഗുരുവായൂര് ക്ഷേത്ര പരിസരത്തുള്ള തെരുവ് നായ്ക്കള്ക്ക് പേവിഷ പ്രതിരോധ വാക്സിന് നല്കുന്നതിന് ഉന്നതതല യോഗത്തില് തീരുമാനം. ദേവസ്വം, നഗരസഭാ, പൊലീസ് ഉദ്യോഗസ്ഥര് തമ്മില് നടത്തിയ ചര്ച്ചയിലാണ് തീരുമാനമായത്. ഇതിനായി മൃഗ സംരക്ഷണ വകുപ്പിന്റെ അനുമതിയോടെ നായ്കളെ പിടികൂടുന്നതിന് നായ പിടുത്തക്കാരുടെ സേവനം തേടും. ക്ഷേത്രപരിസരത്തുവെച്ച് ഭക്തര് നായ്ക്കള്ക്ക് ഭക്ഷണം നല്കുന്നത് നിരുല്സാഹപ്പെടുത്താനും യോഗം തീരുമാനിച്ചു.
ദേവസ്വം ചെയര്മാന് ഡോ: വി.കെ വിജയന്റെ അധ്യക്ഷതയില് ചേര്ന്ന യോഗത്തില് ഭരണ സമിതി അംഗം സി മനോജ്, ദേവസ്വം അഡ്മിനിസ്ട്രേറ്റര് കെ പി വിനയന്, ഗുരുവായൂര് നഗരസഭ സെക്രട്ടറി ബീന എസ് കുമാര്, എസിപി കെജി സുരേഷ്, സിഐ സി പ്രേമാനന്ദ കൃഷ്ണന് എന്നിവരും ദേവസ്വത്തിലെ വിവിധ വകുപ്പ് ഉദ്യോഗസ്ഥരും പങ്കെടുത്തു.
സമകാലിക മലയാളം ഇപ്പോള് വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ