തൊടുപുഴ: ഇടുക്കി മുട്ടത്ത് ലോറി നിയന്ത്രണം വിട്ട് താഴ്ചയിലേക്ക് മറിഞ്ഞ് ഒരാള് മരിച്ചു. ലോറിയുടെ ക്യാബിനുളളില് കുടുങ്ങിയ മറ്റൊരാളെ ഫയര്ഫോഴ്സും പൊലീസും നാട്ടുകാരും ചേര്ന്ന് പുറത്തെടുത്തു. ഉച്ചയ്ക്ക് മൂന്ന് മണിയോടെയാണ് അപകടമുണ്ടായത്.
കാഞ്ഞിരപ്പള്ളിയില് നിന്ന് റബ്ബര്പാലുമായി പോകുകയായിരുന്ന തമിഴ്നാട് രജിസ്ട്രേഷനിലുള്ള വണ്ടിയാണ് അപകടത്തില്പ്പെട്ടത്. ലോറിയിലുള്ളവരെ തിരിച്ചറിഞ്ഞിട്ടില്ല. മരിച്ചയാള് ഡ്രൈവറാണെന്നാണ് സൂചന. പരിക്കേറ്റ മറ്റേയാളുടെ നില ഗുരുതരമാണ്.
നിരത്തില് നിന്നും നാല്പ്പത് അടി താഴ്ചയിലേക്കാണ് ലോറി വീണത്. മുക്കാല്
മണിക്കൂറിലധികം നീണ്ട രക്ഷാപ്രവര്ത്തനത്തിനൊടുവിലാണ് ലോറിയുടെ ക്യാബിനുള്ളില് കുടുങ്ങിയ രണ്ടുപേരെയും പുറത്തെടുക്കാനായത്. അപകടത്തില് ലോറിയുടെ ക്യാബിന് പൂര്ണമായി തകര്ന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ