കൊച്ചി: കേസിന്റെ വിചാരണ എറണാകുളം ജില്ലാ സെഷന്സ് കോടതിയില് നിന്ന് മാറ്റണമെന്നാവശ്യപ്പെട്ട് നടി നല്കിയ ഹര്ജിയില് ഹൈക്കോടതിയില് അടച്ചിട്ട മുറിയില് വാദം. ഇന്കാമറ ആയി വാദം കേള്ക്കണമെന്ന നടിയുടെ ആവശ്യം ജസ്റ്റിസ് സിയാദ് റഹ്മാന് ആണ് അനുവദിച്ചു.
ജസ്റ്റിസ് കൗസര് എടപ്പഗത് പിന്മാറിയ പശ്ചാത്തലത്തിലാണ് ജസ്റ്റിസ് സിയാദ് റഹ്മാന് ഹര്ജി പരിഗണിക്കുന്നത്.
ഹൈക്കോടതി നേരത്തെ ഒരു ഉത്തരവിലൂടെയാണ് സെഷന്സ് കോടതിയില് നിന്ന് കേസ് പ്രത്യേക കോടതിയിലേക്ക് മാറ്റിയത്. എന്നാല്, ഈ കേസ് മറ്റൊരു അഡ്മിനിസ്ട്രേറ്റീവ് ഉത്തരവിലൂടെ വീണ്ടും സെഷന്സ് കോടതിയിലേക്ക് മറ്റുകയാണ് ചെയ്തത്. ഇത് നിയമപരമല്ലെന്നു നടി ഹര്ജിയില് പറയുന്നു. കേസില് തീര്പ്പുണ്ടാക്കുന്നത് വരെ ജില്ലാ സെഷന്സ് കോടതിയിലെ വിചാരണ സ്റ്റേ ചെയ്യണമെന്നും ആവശ്യമുണ്ട്.
സെഷന്സ് ജഡ്ജി ഹണി എം വര്ഗീസ് വിചാരണ നടത്തിയാല് തനിക് നീതി ലഭിക്കില്ലെന്ന് ഹര്ജിയില് പറയുന്നു. ജഡ്ജിയുടെ ഭര്ത്താവും കേസിലെ എട്ടാം പ്രതിയായ ദിലീപും തമ്മില് ബന്ധമുണ്ടെന്നും ഹര്ജിയിലുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ