കൊച്ചി: സാങ്കേതിക സര്വകലാശാല (കെടിയു) വൈസ് ചാന്സലര് നിയമനത്തിനുള്ള സെര്ച്ച് കമ്മിറ്റിയില് ചാന്സലറുടെ പ്രതിനിധിയെ ഉള്പ്പെടുത്താനുള്ള ഹൈക്കോടതി സിംഗിള് ബെഞ്ച് നിര്ദേശം ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ച് സ്റ്റേ ചെയ്തു. താല്ക്കാലിക വിസിയായി സിസ തോമസിനു തുടരാമെന്ന സിംഗിള് ബെഞ്ച് ഉത്തരവിനെതിരെ സര്ക്കാര് സമര്പ്പിച്ച അപ്പീല് ഡിവിഷന് ബെഞ്ച് ഫയലില് സ്വീകരിച്ചു.
ചാന്സലറുടെ പ്രതിനിധിയെ ഉള്പ്പെടുത്താനുള്ള നിര്ദേശം യുജിസി ചട്ടങ്ങള്ക്കു വിരുദ്ധമെന്നു ഡിവിഷന് ബെഞ്ച് ചൂണ്ടിക്കാട്ടി. സെര്ച്ച് കമ്മിറ്റിയില് ചാന്സലറുടെ പ്രതിനിധി ആവശ്യമില്ലെന്നും ഹൈക്കോടതി പറഞ്ഞു. സിംഗിള് ബെഞ്ച് ഉത്തരവിലെ രണ്ടു ഖണ്ഡികളാണ് ഡിവിഷന് ബെഞ്ച് സ്റ്റേ ചെയ്തത്. അതേസമയം സിസ തോമസിനു തുടരാന് അനുമതി നല്കിയ ഉത്തരവ് സ്റ്റേ ചെയ്യണമെന്ന സര്ക്കാര് ആവശ്യം അംഗീകരിച്ചില്ല. ഇക്കാര്യത്തില് വിശദമായ വാദം കേള്ക്കാമെന്ന് ഹൈക്കോടതി പറഞ്ഞു.
സ്ഥിരം വിസിയെ മൂന്നു മാസത്തിനകം നിയമിക്കണമെന്നു നിര്ദേശിച്ചുകൊണ്ടായിരുന്നു ഗവര്ണറുടെ നടപടി ചോദ്യം ചെയ്തുള്ള ഹര്ജി ജസ്റ്റിസ് ദേവന് രാമചന്ദ്രന് തള്ളിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ