കൊച്ചി: 500 കിലോയോളം ഭാരം വരുന്ന ഭീമൻ ഓലക്കൊടിയനെ മുനമ്പം ഹാർബറിൽ ലേലത്തിനെത്തിച്ചപ്പോൾ കണ്ടുനിന്നവർ അക്ഷരാർത്ഥത്തിൽ ഞെട്ടി. രണ്ട് ട്രോളികൾ ചേർത്ത് വെച്ച് അതിൽ കിടത്തിയാണ് ബോട്ടിൽ നിന്നും മീനിനെ ലേല ഹാളിൽ എത്തിച്ചത്. നീണ്ട ചുണ്ട് കൂടാതെ തന്നെ എതാണ്ട് 12 അടിക്ക് മേൽ നീളമുണ്ടായിരുന്നു ഇതിന്.
ആഴക്കടൽ മത്സ്യ ബന്ധനത്തിന് പോയ ബോട്ടിലാണ് ഭീമൻ ഓലക്കൊടിയനെ ലഭിച്ചത്. കിലോക്ക് 250 രൂപ വരെയാണ് മാർക്കറ്റിൽ ഓലക്കൊടിയന് വില. ഉറച്ച മാംസമാണെന്നതാണ് ഓലക്കൊടിയനെ ഹോട്ടലുകാർക്ക് പ്രിയമേറിയ മത്സ്യമാക്കുന്നത്. രുചിയിലും കേമനാണ്. ഏറെ കാലത്തിന് ശേഷമാണ് ഇത്രയും വലിപ്പമുള്ള മീനിനെ ലഭിക്കുന്നതെന്നാണ് മത്സ്യത്തൊഴിലാളികൾ പറയുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
