കൊല്ലത്ത് എസ് സുദേവന്‍, പാലക്കാട് ഇഎന്‍ സുരേഷ് ബാബു; സിപിഎം ജില്ലാ സെക്രട്ടറിമാര്‍

സിപിഎം കൊല്ലം പാലക്കാട് ജില്ലാ സെക്രട്ടറിമാരായി എസ് സുദേവനെയും ഇഎന്‍ സുരേഷ് ബാബുവിനെയും തെരഞ്ഞെടുത്തു 
പ്രതീകാത്മക ചിത്രം
പ്രതീകാത്മക ചിത്രം

കൊല്ലം: സിപിഎം കൊല്ലം ജില്ലാ സെക്രട്ടറിയായി എസ് സുദേവന്‍ തുടരും. മൂന്ന് ദിവസമായി തുടരുന്ന ജില്ലാ സമ്മേളനമാണ് സുദേവനെ വീണ്ടും സെക്രട്ടറിയായി തെരഞ്ഞെടുത്തത്. 

46 അംഗ ജില്ലാകമ്മറ്റിയില്‍ 16 പുതുമുഖങ്ങളുണ്ട്. 12 പേര്‍ ഒഴിവായി. സംസ്ഥാനസമിതി അംഗങ്ങളായ കെ സോമപ്രസാദ് എംപി, കെ രാജഗോപാല്‍ എന്നിവര്‍ ഒഴിവായവരില്‍ ഉള്‍പ്പെടുന്നു. എം നൗഷാദ് എംഎല്‍എ, ഐഷ പോറ്റി, ഡിവൈഎഫ്‌ഐ ജില്ലാ സെക്രട്ടറി എസ്ആര്‍ അരുണ്‍ ബാബു, ചിന്താ ജെറോം തുടങ്ങി 12 പേരാണ് പുതിയ അംഗങ്ങള്‍.

നിലവില്‍ പാര്‍ട്ടി സംസ്ഥാന കമ്മിറ്റിയംഗമായ സുദേവന്‍ സിഐടിയു സംസ്ഥാന സെക്രട്ടറിയും ജില്ലാ സെക്രട്ടറിയും കാപ്പെക്‌സ് ചെയര്‍മാനുമായി പ്രവര്‍ത്തിച്ചിരുന്നു. 1995 മുതല്‍ ജില്ലാ സെക്രട്ടേറിയറ്റംഗമാണ്. കെഎന്‍ ബാലഗോപാല്‍ സംസ്ഥാന സെക്രട്ടേറിയറ്റംഗമായി തിരഞ്ഞെടുക്കപ്പെട്ട ഒഴിവിലാണ് സുദേവന്‍ സെക്രട്ടറിയാകുന്നത്

ഇഎന്‍ സുരേഷ് ബാബുവാണ് പാലാക്കാട് ജില്ല സെക്രട്ടറി. 44 അംഗങ്ങളുള്ള ജില്ലാ കമ്മറ്റിയില്‍ 14 പേര്‍ പുതുമുഖങ്ങളാണ്. കെ ശാന്തകുമാരി, കെ ബിനുമോള്‍, എസ് കൃഷ്ണദാസ്, സിആര്‍ സജീവ്, കെ കൃഷ്ണന്‍കുട്ടി, ടികെ നൗഷാദ്, കെസി റിയാസുദ്ദീന്‍, കെ പ്രേമന്‍, ആര്‍ ശിവപ്രകാശ്, കെ നന്ദകുമാര്‍, വി പൊന്നുക്കുട്ടന്‍, പിപി സുമോദ്, എ അനിതാനന്ദന്‍, കെ എന്‍ സുകുമാരന്‍ മാസ്റ്റര്‍ എന്നിവരാണ് പുതിയ അംഗങ്ങള്‍. ജില്ലാ കമ്മറ്റിയില്‍ നാല് വനിതകളെയും ഉള്‍പ്പെടുത്തി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com