തിരുവനന്തപുരം: ബിജെപിക്കെതിരായ ദേശീയ ബദലില്നിന്ന് കോണ്ഗ്രസിനെ മാറ്റിനിര്ത്താനാവില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്. ദേശീയ കൂട്ടായ്മയെ നയിക്കാന് രാഹുല് ഗാന്ധിയല്ലാതെ മറ്റൊരു നേതാവിനെ ചൂണ്ടിക്കാണിക്കാമോയെന്ന് കാനം ചോദിച്ചു.
ബിജെപിയെ നേരിടാന് പാര്ട്ടികളുടെ വിപുലമായ കൂട്ടായ്മ വേണം. അതില്നിന്ന് കോണ്ഗ്രസിനെ മാറ്റിനിര്ത്താനാവില്ല. ബിനോയ് വിശ്വം പറഞ്ഞത് ദേശീയ രാഷ്ട്രീയ പശ്ചാത്തലത്തിലെന്ന് പറഞ്ഞ കാനം കേരളത്തിലേത് വ്യത്യസ്തമായ സാഹചര്യമെന്നും വിശദീകരിച്ചു.
നേരത്തെ ദേശീയ തലത്തില് ഇടതുപക്ഷം യുപിഎയെ പിന്തുണച്ചപ്പോള് കേരളത്തില് തെരഞ്ഞെടുപ്പുണ്ടായിട്ടുണ്ട്. ദേശീയ തലത്തിലെ ബന്ധം കേരളത്തിലെ തെരഞ്ഞെടുപ്പിനെ ബാധിച്ചില്ലെന്ന് കാനം പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ