കൊച്ചി: വൈറ്റിലയില്‍ ഓടിക്കൊണ്ടിരുന്ന കാറിന് തീപിടിച്ചു. വാഹനത്തിന് തീപിടിക്കുന്നത് ശ്രദ്ധയില്‍പ്പെട്ട ഉടനെ തന്നെ യാത്രക്കാര്‍ കാറില്‍ നിന്ന് ഇറങ്ങി ഓടിയതിനാല്‍ വന്‍ദുരന്തം ഒഴിവായി. കാര്‍ പൂര്‍ണമായി കത്തിനശിച്ചു.
വൈകുന്നേരം നാലര മണിയോടെയാണ് സംഭവം. ഫയര്‍ഫോഴ്സ് എത്താന്‍ വൈകിയെന്ന് നാട്ടുകാരുടെ ആക്ഷേപം ഉയര്‍ന്നിട്ടുണ്ട്. ഓടിക്കൊണ്ടിരുന്ന മാരുതി 800 കാറാണ് അഗ്‌നിക്കിരയായത്. അല്‍പ്പം കാലപ്പഴക്കമുള്ള വാഹനമാണ് അപകടത്തില്‍പ്പെട്ടത്.
അരമണിക്കൂറോളം വൈകിയാണ് ഫയര്‍ഫോഴ്സ് സ്ഥലത്തെത്തിയത്. വാഹനത്തിന് തീ പിടിച്ചത് ശ്രദ്ധയില്‍പ്പെട്ടപ്പോള്‍ത്തന്നെ യാത്രക്കാര്‍ പുറത്തേക്കിറങ്ങി രക്ഷപ്പെടുകയായിരുന്നു. വൈറ്റില മേല്‍പ്പാലത്തിന് താഴെയാണ് അപകടമുണ്ടായത്.
റോഡില്‍നിന്ന് ഒരു വശത്തേക്ക് ചേര്‍ന്നാണ് വാഹനമുള്ളത്. തീപിടിക്കാനുള്ള കാരണം വ്യക്തമല്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
