പാലക്കാട്: പതിനഞ്ചു വയസുകാരിയെ പീഡിപ്പിച്ചു ഗര്ഭിണിയാക്കിയ കേസില് പ്രതിക്ക് 36 വര്ഷം കഠിന തടവ്. കൂടാതെ ഒന്നരലക്ഷം പിഴയൊടുക്കാനും പാലക്കാട് പോക്സോ കോടതി (ഫസ്റ്റ് അഡീഷനല് സെഷന്സ് കോടതി) ശിക്ഷിച്ചു. മണ്ണാര്ക്കാട് തിരുവിഴാംകുന്ന് അമ്പലപ്പാറ വലിയപാടത്തു വീട്ടില് ശശിയെ ആണു ജഡ്ജി പി.പി.സെയ്തലവി ശിക്ഷിച്ചത്. പിഴ അടച്ചില്ലെങ്കില് പ്രതി ഒരു വര്ഷം അധികം ശിക്ഷ അനുഭവിക്കണം.
പോക്സോ നിയമത്തിലെ വിവിധ വകുപ്പുകള് പ്രകാരമാണ് 36 വര്ഷത്തെ ശിക്ഷ വിധിച്ചത്. 2017 ലാണു കേസിനാസ്പദമായ സംഭവം. പ്രതി പലപ്പോഴായി പെണ്കുട്ടിയെ പീഡിപ്പിച്ചെന്നാണു പ്രോസിക്യൂഷന് കേസ്. മണ്ണാര്ക്കാട് പൊലീസ് റജിസ്റ്റര് ചെയ്ത കേസ് അന്നത്തെ സിഐ ഹിദായത്തുളള മാമ്പ്രയാണ് അന്വേഷിച്ച് കുറ്റപത്രം നല്കിയത്. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടര് പി.സുബ്രഹ്മണ്യന് ഹാജരായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ