തൃശൂര്‍: കെഎസ്‌യു തൃശൂര്‍ ജില്ലാ സെക്രട്ടറി വിഎസ് ഡേവിഡിനെ സംഘടനയില്‍ നിന്ന് പുറത്താക്കിയതായി സംസ്ഥാന പ്രസിഡന്റ് കെഎം അഭിജിത്ത്. ഗുരുതരമായ സാമ്പത്തിക ഇടപാടുകള്‍ നടത്തി പ്രസ്ഥാനത്തിന് അവമതിപ്പുണ്ടാക്കിയതിനെ തുടര്‍ന്നാണ് നടപടിയെന്ന് കെഎസ്‌യു വാര്‍ത്താക്കുറിപ്പില്‍ വ്യക്തമാക്കി.
സാമ്പത്തിക തട്ടിപ്പിനും ജോലി വാഗ്ദാനം ചെയ്ത് തട്ടിപ്പ് നടത്തിയതുമുള്‍പ്പെടെ നിരവധി പരാതികള്‍ ലഭിച്ചതിനെ തുടര്‍ന്ന് ഇക്കഴിഞ്ഞ 14ന് സെക്രട്ടറി സ്ഥാനത്ത് ഡേവിഡിനെ നീക്കിയിരുന്നു. തുടരന്വേഷണത്തില്‍ ഗുരുതരമായ സാമ്പത്തിക ഇടപാടുകള്‍ നടത്തിയതായി കണ്ടെത്തി. പിന്നാലെയാണ് പ്രാഥമിക അംഗത്വത്തില്‍ നിന്ന് പുറത്താക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
