അമ്മ മരിച്ച ദുഃഖത്തിൽ 27കാരൻ ആറ്റിൽചാടി ജീവനൊടുക്കി 

ഇന്ന് അമ്മയുടെ സഞ്ചയനം നടക്കാനിരിക്കെയാണ് ആത്മഹത്യ
ശ്രീരാഗ്
ശ്രീരാഗ്

കൊല്ലം: അമ്മ മരിച്ച ദുഃഖത്തിൽ മകൻ ആറ്റിൽചാടി ജീവനൊടുക്കി. ചാത്തന്നൂർ സ്വദേശിയായ 27കാരൻ ശ്രീരാഗാണ് മരിച്ചത്. ഇന്നലെ ഉച്ചയ്ക്ക് കുമ്മല്ലൂർ പാലത്തിൽ നിന്ന് ഇത്തിക്കരയാറ്റിൽ ചാടിയാണ് ആത്മഹത്യ ചെയ്തത്. 

ശ്രീരാഗിന്റെ  അമ്മ സുധർമണി (52) കഴിഞ്ഞ ‌ബുധനാഴ്ചയാണ് മരിച്ചത്.  ആന്ധ്രപ്രദേശിൽ കശുവണ്ടി മേഖലയിൽ ജോലി ചെയ്തിരുന്ന ശ്രീരാഗ് അമ്മയുടെ മരണ വിവരം അറിഞ്ഞാണു നാട്ടിൽ എത്തിയത്. ഇന്ന് സഞ്ചയനം നടക്കാനിരിക്കെയാണ് ആത്മഹത്യ.

മാതാവിന്റെ മരണത്തെ തുടർന്നു ശ്രീരാഗ് ഏറെ ദുഃഖിതനായിരുന്നുവെന്ന് കുടുംബാംഗങ്ങൾ പറഞ്ഞു. ചാത്തന്നൂർ കോയിപ്പാട് തണ്ടാന്റഴികത്ത് വീട്ടിൽ രാജശേഖരൻ ഉണ്ണിത്താന്റെ മകനാണ് ശ്രീരാ​ഗ്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com