കൊട്ടിയം: വയോധികയായ അമ്മയുടെ കൈ തല്ലിയൊടിച്ച മകനെ പൊലീസ് അറസ്റ്റ് ചെയ്തു. ഇരവിപുരം തെക്കുംഭാഗം തോട്ടത്തില്‍ പടിഞ്ഞാറ്റതില്‍ ജോണിനെ(40)യാണ് പോലീസ് അറസ്റ്റ് ചെയ്തത്.
അമ്മ ഡെയ്‌സിയുടെ കൈയാണ് ജോൺ അടിച്ചൊടിച്ചത്. കഴിഞ്ഞ കുറച്ച് നാളുകളായി ഡെയ്‌സി മകളുടെ വീട്ടിലായിരുന്നു താമസം. കഴിഞ്ഞ ദിവസം സഹോദരിയുടെ വീട്ടിലെത്തിയ ജോണ്‍ അമ്മയുമായി വഴക്കുണ്ടാക്കി. ഇവിടെ വെച്ച് കൈവശമുണ്ടായിരുന്ന ഫൈബര്‍ വടികൊണ്ട് ആക്രമിക്കുകയായിരുന്നു. ഡെയ്‌സി മേവറത്തെ സ്വകാര്യ ആശുപത്രിയില്‍ ചികിത്സ തേടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
