ആലപ്പുഴ: മോഷ്ടാവ് കമ്മൽ പറിച്ചെടുക്കുന്നതിനിടയിൽ വൃദ്ധയുടെ ചെവിയറ്റു. അമ്പലപ്പുഴ കണ്ടംചേരിയിലാണ് 90 വയസുകാരി ഗൗരിയുടെ ചെവിയുടെ പാതി അറ്റു പോയത്.
ചൊവ്വാഴ്ച ഉച്ചക്ക് മൂന്നരയോടെയാണ് സംഭവം. പൂട്ടിയിട്ടിരുന്ന വാതിലുകൾ കുത്തിത്തുറന്നാണ് മോഷ്ടാവ് മുറിക്കുള്ളിൽ എത്തിയത്.
ഈ സമയം ഉറങ്ങിക്കിടന്ന ഗൗരിയുടെ കാതിൽ കിടന്ന കമ്മലുകൾ മോഷ്ടാവ് പറിച്ചെടുക്കുകയായിരുന്നു.
വൃദ്ധ ബഹളം വെച്ചതോടെ മോഷ്ടാവ് മതിൽ ചാടി ഓടി രക്ഷപ്പെട്ടു. വൃദ്ധയെ ആദ്യം അമ്പലപ്പുഴ ആശുപത്രിയിൽ പ്രവേശിപ്പിച്ചെങ്കിലും പിന്നീട് വണ്ടാനം മെഡിക്കൽ കോളജിലേക്ക് മാറ്റി. സംഭവത്തിൽ അമ്പലപ്പുഴ പൊലീസ് അന്വേഷണം ആരംഭിച്ചു. സമീപത്തെ സിസിടിവി ദൃശ്യങ്ങൾ പൊലീസ് പരിശോധിച്ചു വരികയാണ്.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
