കോഴിക്കോടും കണ്ണൂരും സിപിഎം ഓഫീസുകള്‍ക്ക് നേരെ ആക്രമണം; പേരാമ്പ്രയില്‍ പാര്‍ട്ടി ഓഫീസിന് തീയിട്ടു

By സമകാലിക മലയാളം ഡെസ്‌ക്‌  |   Published: 16th June 2022 10:56 AM  |  

Last Updated: 16th June 2022 10:56 AM  |   A+A-   |  

cpm_office_attack

പാര്‍ട്ടി ഓഫീസുകള്‍ നശിപ്പിക്കപ്പെട്ട നിലയില്‍/ ടി വി ദൃശ്യം

 

കോഴിക്കോട്: കോഴിക്കോടും കണ്ണൂരും സിപിഎം പാര്‍ട്ടി ഓഫീസുകള്‍ക്ക് നേരെ ആക്രമണം. കണ്ണൂര്‍ കക്കാട് ലോക്കല്‍ കമ്മിറ്റി ഓഫീസിന്റെ ജനല്‍ച്ചില്ലുകള്‍ അടിച്ചു തകര്‍ത്തു. ആക്രമണത്തിന് പിന്നില്‍ കോണ്‍ഗ്രസ് ആണെന്ന് സിപിഎം ആരോപിച്ചു. 

കോഴിക്കോട് പേരാമ്പ്ര വാല്യക്കോട് സിപിഎം പാര്‍ട്ടി ഓഫീസിന് തീയിട്ടു. സിപിഎം വാല്യക്കോട് ടൗണ്‍ ബ്രാഞ്ച് ഓഫീസിനാണ് തീയിട്ടത്. ഇന്നലെ രാത്രിയായിരുന്നു സംഭവം. ഓഫീസിലെ ഫര്‍ണിച്ചറുകളും ഫയലുകളും കത്തിനശിച്ചു. 

വഴിയാത്രക്കാരാണ് ഓഫിസ് കത്തുന്നതു കണ്ട് വിവരം പൊലീസിനെ അറിയിച്ചത്.  പേരാമ്പ്ര പൊലീസ് കേസെടുത്ത് അന്വേഷണം ആരംഭിച്ചു. ആക്രമണത്തിന് പിന്നില്‍ കോണ്‍ഗ്രസാണെന്ന് സിപിഎം ആരോപിച്ചു. കഴിഞ്ഞ ദിവസം കുറ്റിയാടിയിലെ കോണ്‍ഗ്രസ് ഓഫീസിന് നേരെ ബോംബേറ് നടന്നിരുന്നു.

ഈ വാര്‍ത്ത കൂടി വായിക്കൂ

മൂന്നുപേരുടെ സംശയാസ്പദ യാത്രയെക്കുറിച്ച് ഇന്റലിജന്‍സ് റിപ്പോര്‍ട്ട് നല്‍കി; തടയേണ്ടെന്ന് മുഖ്യമന്ത്രി നിര്‍ദേശിച്ചു: കോടിയേരി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ