ചരിത്ര നേട്ടവുമായി കേരള സര്‍വകലാശാല; നാക് അക്രഡിറ്റേഷനില്‍ എ പ്ലസ് പ്ലസ്

By സമകാലിക മലയാളം ഡെസ്‌ക്‌  |   Published: 21st June 2022 02:38 PM  |  

Last Updated: 21st June 2022 02:38 PM  |   A+A-   |  

KERALA UNIVERSITY

ഫയല്‍ ചിത്രം

 

തിരുവനന്തപുരം:  നാക് റീ അക്രഡിറ്റേഷനില്‍ കേരള സര്‍വകലാശാലയ്ക്ക് ചരിത്ര നേട്ടം. എ പ്ലസ് പ്ലസ് നേടിയാണ് കേരള സര്‍വകലാശാല ഗുണമേന്മാ വര്‍ധനവില്‍ അംഗീകാരം നേടിയത്. കേരളത്തില്‍ ഒരു സര്‍വകലാശാലയ്ക്ക് ആദ്യമായാണ് ഈ അംഗീകാരം ലഭിക്കുന്നത്. നേട്ടം കരസ്ഥമാക്കിയ കേരള സര്‍വകലാശാലയെ ഉന്നത വിദ്യാഭ്യാസ മന്ത്രി ആര്‍ ബിന്ദു അഭിനന്ദിച്ചു. 

മന്ത്രിയുടെ കുറിപ്പ്:

നമ്മുടെ സര്‍വ്വകലാശാലകളില്‍ ഗുണമേന്മാ വര്‍ദ്ധനവിനു വേണ്ടി നടക്കുന്ന ശ്രമങ്ങള്‍ ഉജ്ജ്വല നേട്ടങ്ങളിലൊന്ന് സമ്മാനിച്ചിരിക്കുന്നു.'നാക്' അക്രഡിറ്റേഷനില്‍ 3.67 ഗ്രേഡ് പോയിന്റോടെ A ++ നേടി കേരള സര്‍വ്വകലാശാല ചരിത്രനേട്ടം കുറിച്ചു.

അഖിലേന്ത്യാ തലത്തില്‍ത്തന്നെയുള്ള മികച്ച ഗ്രേഡാണ് കേരള സര്‍വ്വകലാശാല കരസ്ഥമാക്കിയിരിക്കുന്നത്. ഗുണമേന്മാ വര്‍ദ്ധനവിനായി നടക്കുന്ന പരിശ്രമങ്ങളില്‍ ഊര്‍ജ്ജസ്വലമായി പങ്കുചേര്‍ന്ന് കേരളത്തിന് ദേശീയതലത്തില്‍ സമുന്നതസ്ഥാനം നേടിത്തന്ന കേരളസര്‍വ്വകലാശാലാ സമൂഹത്തെ ഹൃദയപൂര്‍വ്വം അഭിവാദനം ചെയ്യുന്നു.

ഈ വാര്‍ത്ത കൂടി വായിക്കാം

പ്ലസ് ടു പരീക്ഷയില്‍ 83. 87 ശതമാനം വിജയം; സേ പരീക്ഷ ജൂലൈ 25 മുതല്‍
 
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ