ബില്ലുകള്‍ 30ന് വൈകിട്ട് അഞ്ചിനു മുമ്പു നല്‍കണം; ട്രഷറി തിരക്ക് നിയന്ത്രിക്കാന്‍ നിര്‍ദേശങ്ങള്‍

By സമകാലിക മലയാളം ഡെസ്‌ക്‌  |   Published: 22nd March 2022 10:13 AM  |  

Last Updated: 22nd March 2022 10:13 AM  |   A+A-   |  

CASH

പ്രതീകാത്മക ചിത്രം

 

തിരുവനന്തപുരം: സാമ്പത്തിക വര്‍ഷത്തിലെ അവസാന പ്രവൃത്തി ദിവസങ്ങളില്‍ ട്രഷറികളില്‍ തിരക്ക് നിയന്ത്രിക്കുന്നതിനും പ്രവര്‍ത്തനം സുഗമമാക്കുന്നതിനുമായി ധനവകുപ്പ് നിര്‍ദേശങ്ങള്‍ പുറപ്പെടുവിച്ചു. 

നടപ്പു സാമ്പത്തിക വര്‍ഷത്തെ ബില്ലുകളും ചെക്കുകളും ട്രഷറികളില്‍ സമര്‍പ്പിക്കുന്നതിനുള്ള സമയപരിധി മാര്‍ച്ച് 30ന് വൈകിട്ട് 5 മണിവരെ മാത്രമാണ്. ഈ സമയത്തിനു ശേഷം ബില്ലുകളും ചെക്കുകളും ട്രഷറികളില്‍ സ്വീകരിക്കില്ല. ഓണ്‍ലൈന്‍ മുഖേന സമര്‍പ്പിക്കുന്ന ബില്ലുകളുടെയും ചെക്കുകളുടെയും ഫിസിക്കല്‍ കോപ്പികള്‍ ഈ സമയപരിധിക്കുള്ളില്‍ ട്രഷറികളില്‍ സമര്‍പ്പിക്കണം. 

എല്ലാ വകുപ്പുമേധാവികളും ഡ്രോയിംഗ് ആന്‍ഡ് ഡിസ്‌ബേഴ്‌സിംഗ് ഓഫീസര്‍മാരും ചെക്ക് പുറപ്പെടുവിക്കുന്ന അധികാരികളും (തദ്ദേശ സ്വയംഭരണ സ്ഥാപനങ്ങളിലേതടക്കമുള്ള) ട്രഷറി ഓഫീസര്‍മാരും ഇതു സംബന്ധിച്ച നിര്‍ദ്ദേശങ്ങള്‍ കര്‍ശനമായി പാലിക്കണമെന്നും ധനകാര്യ അഡീഷണല്‍ ചീഫ് സെക്രട്ടറി അറിയിച്ചു.