എഴുന്നള്ളിപ്പിനിടെ കോഴികളെ കണ്ട് ആന പേടിച്ചു, ആളുകൾ ചിതറിയോടി; ആനയില്ലാതെ ക്ഷേത്രത്തിലെ കാഴ്ചശീവേലി

തൃശൂർ; അമ്പലത്തിലെ കോഴികളെ കണ്ട് ആന ഭയന്നതിനെ തുടർന്ന് ക്ഷേ​ത്ര​ത്തി​ൽ ആ​ന​യി​ല്ലാ​തെ കാ​ഴ്ച​ശീ​വേ​ലി ന​ട​ത്തി. പ​ഴ​യ​ന്നൂ​ർ ഭ​ഗ​വ​തി ക്ഷേ​ത്ര​ത്തി​ലെ ആ​റാ​ട്ട് ഉ​ത്സ​വ​ത്തിനിടെയാണ് സംഭവമുണ്ടായത്. എഴുന്നള്ളിപ്പിന് എത്തിച്ച ചി​റ്റേ​പു​റ​ത്ത് ശ്രീ​ക്കു​ട്ട​ൻ എ​ന്ന ആ​നയാണ് കോഴികളെ കണ്ട് പേടിച്ചത്. ആനയുടെ വെപ്രാളം കണ്ട് പേടിച്ച് ആളുകൾ ഓടിയതോടെ കാഴ്ചശീവേലി ആനയില്ലാതെ നടത്തുകയായിരുന്നു. 

ഉത്സവത്തിന്റെ രണ്ടാം ദിവസമായ ചൊ​വ്വാ​ഴ്ച രാ​വി​ലെ നടന്ന കാ​ഴ്ച​ശീ​വേ​ലി​ക്കായി എഴുന്നള്ളത്തിന് എത്തിച്ചതാണ് ശ്രീക്കുട്ടനെ. എന്നാൽ ക്ഷേത്രത്തിലെ കോഴികളെ കണ്ട് ആന ഭയന്നു. എ​ഴു​ന്ന​ള്ളി​പ്പി​നി​ടെ അ​സ്വ​സ്ഥ​ത പ്ര​ക​ടി​പ്പി​ക്കു​ന്ന​ത് തു​ട​ർ​ന്ന​തോ​ടെ പി​ന്നീ​ട് ആ​ന​യി​ല്ലാ​തെ കാ​ഴ്ച​ശീ​വേ​ലി ന​ട​ത്തു​ക​യാ​യി​രു​ന്നു.

ആ​ന​യെ പി​ന്നീ​ട് തി​രി​ച്ചു​കൊ​ണ്ടു​പോ​യി. മ​റ്റു​ക്ഷേ​ത്ര​ങ്ങ​ളി​ൽ​നി​ന്ന് വി​ഭി​ന്ന​മാ​യി ഭ​ക്ത​ർ വ​ഴി​പാ​ടാ​യി പൂ​വ​ൻ കോ​ഴി​ക​ളെ ക്ഷേ​ത്ര​ത്തി​ൽ സ​മ​ർ​പ്പി​ക്കും. ഇ​തി​നാ​ൽ കോ​ഴി അ​മ്പ​ലം എ​ന്ന പേ​രി​ലും പ​ഴ​യ​ന്നൂ​ർ ഭ​ഗ​വ​തി ക്ഷേ​ത്രം പ്ര​സി​ദ്ധ​മാ​ണ്.