കൊച്ചി: എംപിയെന്ന നിലയില്‍ മികച്ച പ്രവര്‍ത്തനം നടത്തിയിട്ടും പിടി തോമസിനോട് കോണ്‍ഗ്രസ് അന്യായം കാണിച്ചെന്ന് ശശി തരൂര്‍ എംപി. വീണ്ടും സീറ്റ് നല്‍കാതിരുന്നത് തന്നെ അത്ഭുതപ്പെടുത്തിയെന്നും തരൂര്‍ പറഞ്ഞു. കൊച്ചിയില്‍ ഫ്രണ്ട്‌സ് ഓഫ് പി.ടി ആന്‍ഡ് നേച്ചര്‍ എന്ന സംഘടന നടത്തിയ പരിപാടിയില്‍ സംസാരിക്കുകയായിരുന്നു അദ്ദേഹം.
ഇവന്‍ എന്റെ പ്രിയ പിടി എന്ന സ്മരണിക അദ്ദേഹം പ്രകാശനം ചെയ്തു. അദ്ദേഹം പ്രകൃതിക്കും പരിസ്ഥിക്കും വേണ്ടിയാണ് നിലകൊണ്ടത്.നിലപാടുകളില്‍ ഉറച്ചുനിന്നതു കൊണ്ടാണ് 2014ലെ ലോക്‌സഭ തിരഞ്ഞെടുപ്പില്‍ പിടിക്ക് സീറ്റ് നിഷേധിക്കപ്പെട്ടതെന്നും തരൂര്‍ പറഞ്ഞു
ചടങ്ങില്‍ പിടിയുടെ ഭാര്യ ഉമാ തോമസ് എംഎല്‍എ, വേണു രാജാമണി എന്നിവരും പരിപാടിയില്‍ പങ്കെടുത്തു.ഇടുക്കിയില്‍ നിന്നുള്ള സിറ്റിങ് എം.പിയായിരുന്ന പിടി തോമസിന് 2014ല്‍ സീറ്റ് നിഷേധിച്ചിരുന്നു. ഗാഡ്ഗില്‍ കസ്തൂരിരംഗന്‍ റിപ്പോര്‍ട്ടുമായി ബന്ധപ്പെട്ട വിവാദങ്ങളെത്തുടര്‍ന്നായിരുന്നു പിടി തോമസിന് കോണ്‍ഗ്രസ് സീറ്റ് നിഷേധിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
