ഫെയ്സ്ബുക്കിലൂടെ പൊലീസുകാരന്റെ കൈ വെട്ടുമെന്ന് ഭീഷണി, ഡിസിസി പ്രസിഡന്റ് മുഹമ്മദ് ഷിയാസിനെതിരെ കേസ്

കൊച്ചി: പൊലീസ് ഉദ്യോ​ഗസ്ഥനെ ഭീഷണിപ്പെടുത്തുന്ന തരത്തിൽ ഫെയ്സ്ബുക്കിൽ പോസ്റ്റിട്ടതിനെ തുടർന്ന് എറണാകുളം ഡിസിസി പ്രസിഡന്റ് മുഹമ്മദ് ഷിയാസിനെതിരെ കളമശേരി പൊലീസ് കേസെടുത്തു.

ശനിയാഴ്ച മുഖ്യമന്ത്രി പിണറായി വിജയന്റെ വാഹനവ്യൂഹം പോകുന്നതിനിടെ കോൺ​ഗ്രസ് പ്രവർത്തകർ കരിങ്കൊടി കാണിച്ചിരുന്നു. പ്രതിഷേധത്തിനിടെ കെഎസ്‌യു ജില്ല സെക്രട്ടറി മിവ ജോളിയുടെ കോളറിൽ പിടിച്ച് ഒരു പൊലീസ് ഉദ്യോ​ഗസ്ഥൻ വലിച്ചിഴയ്‌ക്കുന്ന ദൃശ്യം വിവാദമായിരുന്നു.

ഇതേ തുടർന്ന് 'ഒരു പരിധി വിട്ടാൽ ഈ കൈ അവിടെ വേണ്ടന്നുവെക്കും, കളി കോൺ​ഗ്രസിനോട് വേണ്ട... 'എന്നായിരുന്നു ഷിയാസിന്റെ ഫെയ്സ്ബുക്ക് പോസ്റ്റ്. മിവയെ പൊലീസുകാരൻ കോളറിൽ പിടിക്കുന്ന ചിത്രത്തോടൊപ്പമായിരുന്നു കുറിപ്പ് പങ്കുവെച്ചത്. 

ഈ വാര്‍ത്ത കൂടി വായിക്കൂ

യുഡിഎഫ് രാപ്പകൽ സമരം ഇന്ന് അവസാനിക്കും, മുഖ്യമന്ത്രിക്കും മന്ത്രിമാർക്കും എതിരെ പ്രതിഷേധം തുടരും

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ