ചൂണ്ടയിടാന്‍ പോയ യുവാവ് മുങ്ങിമരിച്ചു
By സമകാലിക മലയാളം ഡെസ്‌ക്‌ | Published: 26th February 2023 08:08 PM |
Last Updated: 26th February 2023 08:08 PM | A+A A- |
രാജേഷ്‌
തൃശൂര്‍: ആമ്പല്ലൂരില്‍ ചൂണ്ടയിടാന്‍ പോയ യുവാവ് വെള്ളക്കെട്ടില്‍ വീണ് മുങ്ങി മരിച്ചു. ചെങ്ങാലൂര്‍ സ്‌നേഹപുരം വടക്കൂടന്‍ ചന്ദ്രശേഖരന്റെ മകന്‍ രാജേഷാണ് (തമ്പി-43) മരിച്ചത്. മുത്രത്തിക്കരയിലെ മണ്ണെടുത്ത കുഴിയില്‍ ചൂണ്ടയിടുന്നതിനിടെ കാല്‍ വഴുതി വീണതാകാമെന്നാണ് നിഗമനം.
വെള്ളിയാഴ്ച രാവിലെയാണ് വീട്ടില്‍നിന്ന് പോയത്. ഞായറാഴ്ച ഉച്ചയോടെയാണ് മൃതദേഹം കണ്ടെത്തിയത്. സമീപത്ത് ബൈക്ക് ഇരിക്കുന്നത് കണ്ട് സംശയം തോന്നിയ നാട്ടുകാരാണ് വിവരം പൊലീസില്‍ അറിയിച്ചത്. സ്വര്‍ണാഭരണ നിര്‍മാണ തൊഴിലാളിയാണ്. അമ്മ: ചന്ദ്രിക. പുതുക്കാട് പൊലീസ് മേല്‍നടപടി സ്വീകരിച്ചു.
ഈ വാര്‍ത്ത കൂടി വായിക്കൂ പ്ലസ് ടു വിദ്യാര്‍ഥിനി വീടിനുള്ളില്‍ മരിച്ചനിലയില്‍
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
