മരുന്നു നൽകുന്നതിനിടെ ആക്രമണം; കോട്ടയം മെഡിക്കൽ കോളജിൽ നഴ്‌സിന്റെ കൈയൊടിഞ്ഞു

പൂഞ്ഞാർ സ്വദേശി നേഖാ അരുണിന്റെ (29) വലതുകൈയാണ് ഒടിഞ്ഞത്
പ്രതീകാത്മക ചിത്രം
പ്രതീകാത്മക ചിത്രം

കോട്ടയം: കോട്ടയം മെഡിക്കൽ കോളജിൽ മരുന്നു നൽകുന്നതിനിടെ രോഗിയുടെ ആക്രമണത്തിൽ നഴ്‌സിന്റെ കൈയൊടിഞ്ഞു. പൂഞ്ഞാർ സ്വദേശി നേഖാ അരുണിന്റെ (29) വലതുകൈയാണ് ഒടിഞ്ഞത്. ചൊവ്വാഴ്ച പുലർച്ചെ അഞ്ചു മണിയോടെയായിരുന്നു സംഭവം.

ന്യൂറോ വിഭാ​ഗം വാർഡിൽ മരുന്ന് നൽകുന്നതിനിടെ ഇടുക്കി സ്വദേശിയായ രോഗി മരുന്നടങ്ങിയ പാത്രം വലിച്ചെറിയുകയും ആക്രമിക്കുകയുമായിരുന്നു. ആശുപത്രി ജീവനക്കാരും ബന്ധുക്കളുമെത്തി രോ​ഗിയെ പിടിച്ചുമാറ്റുകയായിരുന്നു.

വലതുകൈ പിടിച്ചു തിരിച്ചതിനെ തുടർന്ന് നേഖയുടെ കൈപ്പത്തിക്ക് താഴെക്ക് പരിക്കേറ്റിരുന്നു. പ്രഥകശുശ്രൂഷ നേടി വീട്ടിലേക്ക് മടങ്ങിയെങ്കിലും വേദന കൂടി. തുടർന്ന് നടത്തിയ പരിശോധനയിലാണ് കൈയ്‌ക്ക് പൊട്ടലുള്ളതായി കണ്ടെത്തിയത്. ആശുപത്രി അധികൃതർക്കും പൊലീസിനും പരാതി നൽകി.

ഈ വാര്‍ത്ത കൂടി വായിക്കൂ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com