സംസ്ഥാനത്ത് മഴ വീണ്ടും കനത്തു; അർജുനായി തിരച്ചിൽ; ഇന്നത്തെ 5 പ്രധാന വാർത്തകൾ

തെക്കൻ ശ്രീലങ്കക്ക് മുകളിൽ ചക്രവാത ചുഴി രൂപപ്പെട്ടതും, റായലസീമ മുതൽ കോമറിൻ മേഖല വരെ 900 m ഉയരം വരെ ന്യൂന മർദ്ദപാത്തി സ്ഥിതിചെയ്യുന്നതും മൂലം സംസ്ഥാനത്ത് മഴ വീണ്ടും കനക്കുന്നു. മലയോരമേഖലകളിൽ അതീവ ജാ​ഗ്രതാ നിർദേശം പുറപ്പെടുവിച്ചിട്ടുണ്ട്

സംസ്ഥാനത്ത് വീണ്ടും മഴ കനക്കുന്നു. കേരളത്തിൽ പരക്കെ മഴ പെയ്യുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ അറിയിപ്പ്. രണ്ടു ജില്ലകളിൽ തീവ്രമഴ മുന്നറിയിപ്പും, 10 ജില്ലകളിൽ യെല്ലോ അലർട്ടും പുറപ്പെടുവിച്ചിട്ടുണ്ട്

ഷിരൂരില്‍ കാണാതായ കോഴിക്കോട് സ്വദേശിയായ ട്രക്ക് ഡ്രൈവർ അര്‍ജുനായുള്ള തിരച്ചിൽ ഇന്നും തുടരും. ഈശ്വർ മൽപെയുടെ സംഘത്തിനൊപ്പം നാവികസേനയും തിരച്ചിൽ നടത്തും

ജസ്റ്റിസ് ഹേമ കമ്മിറ്റി റിപ്പോര്‍ട്ട് പുറത്തുവിത്തുവിടുന്നതു സംബന്ധിച്ച് സംസ്ഥാന സര്‍ക്കാര്‍ തീരുമാനം ഇന്നുണ്ടായേക്കും. റിപ്പോര്‍ട്ട് പുറത്തുവിടാന്‍ ഹൈക്കോടതി ഒരാഴ്ച സമയമാണ് അനുവദിച്ചിട്ടുള്ളത്

മദ്യനയക്കേസിൽ ഡൽഹി മുഖ്യമന്ത്രി അരവിന്ദ് കെജരിവാളിന്റെ ഹർജി സുപ്രീംകോടതി ഇന്ന് പരി​ഗണിക്കും. ജാമ്യം ആവശ്യപ്പെട്ടുകൊണ്ടുള്ള പ്രത്യേക ഹർജിയും കോടതി പരിഗണിക്കും

ഓണക്കാലത്ത് വിലക്കയറ്റം നിയന്ത്രിക്കാൻ ഓണച്ചന്തകളുമായി സർക്കാർ. 92 കേന്ദ്രങ്ങളിൽ സപ്ലൈകോ ഓണച്ചന്ത ഒരുക്കും. 13 ജില്ലാ ചന്തകളും 78 താലൂക്ക്‌ ചന്തകളും ഒരു സംസ്ഥാന ചന്തയുമാണ്‌ ഉണ്ടാകുക