ആലപ്പുഴ: അര്ത്തുങ്കല് ഭാഗത്ത് കടലില് കാണാതായ മത്സ്യതൊഴിലാളിയുടെ മൃതദേഹം കണ്ടെത്തി. പൊന്നാനി സ്വദേശി ഷൗക്കത്തിന്റെ മൃതദേഹമാണ് തോട്ടപ്പള്ളി ഫിഷറീസ് സ്റ്റേഷന് പട്രോളിങ് ബോട്ട് ഉപയോഗിച്ച് നടത്തിയ തിരച്ചിലില് കണ്ടെത്തിയത്.
മുബാറക് എന്ന ബോട്ടിലെ ജീവനക്കാരനായിരുന്ന ഷൗക്കത്തിനെ പുലര്ച്ചെ മത്സ്യബന്ധനത്തിനിടെ കാണാതാവുകയായിരുന്നു. അറിയിപ്പ് ലഭിച്ചതിനെ തുടര്ന്ന് തോട്ടപ്പള്ളി ഫിഷറീസ് സ്റ്റേഷനില് നിന്ന് അസിസ്റ്റന്റ് ഡയറക്റുടെ നിര്ദേശപ്രകാരം പുറപ്പെട്ട പട്രോളിങ് ബോട്ടിന്റെ തിരച്ചിലിലാണ് മൃതദേഹം കണ്ടെത്തിയത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
മൃതദേഹം ഇന്ക്വസ്റ്റ് നടപടികള്ക്കായി അര്ത്തുങ്കല് കോസ്റ്റല് പൊലീസ് സ്റ്റേഷന് കൈമാറി. ഫിഷറീസ് ഗാര്ഡ് രാഹുല്, ലൈഫ് ഗാര്ഡുമാരായ ജയന്, ജോര്ജ് എന്നിവര് തിരച്ചിലില് പങ്കെടുത്തു. തോട്ടപ്പള്ളി ഫിഷറീസ് അസിസ്റ്റന്റ് ഡയറക്ടര് സിബി സോമന്, അസിസ്റ്റന്റ് ഡയറക്ടര് മിലി ഗോപിനാഥ് എന്നിവര് പ്രവര്ത്തനം ഏകോപിപ്പിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
